El Salvador-eko nekazarien genero ekitatea eraikitzea. 2019

Proposamen honen bidez, landa eremuko emakume antolatuen eskubideak eta genero berdintasuna benetan gauzatzen direla bermatuko dute El Salvadorreko distritu bateko 3 udalerritan

Proposamen honen bidez, landa eremuko emakume antolatuen eskubideak eta genero berdintasuna benetan gauzatzen direla bermatuko dute El Salvadorreko distritu bateko 3 udalerritan.

Horretarako, gaitasunak indartu eta aukerak zabalduko dituzte, nekazaritza eremuko emakumeek beren eskubide ekonomiko, sozial, kultural, politiko eta ingurumenekoak sustatu eta babestu ditzaten, emakumeen aurkako indarkeriarik gabeko landa ingurune baterantz aurrera egiteko.

Emakumeen erakundeak eta erakunde mistoak sendotzea planteatzen du lehen emaitzak, landa emakumeen eskubideen defentsaren buru diren aldetik.

Horretarako, emakumeen parte hartzearen eta eragin errealaren ildoa landuko dute, haien erakundeetan lidergoa sustatuko dutelarik, haien eskubideak galdatzeko eta defendatzeko, emakume buruzagiei eta landa eremuko emakumeei prestakuntza ekintzak emanda. Landa eremuko emakumeen autonomia ekonomikoa bultzatzea da, berriz, bigarren emaitzaren jomuga, berriz, ordezko lurralde garapenerako eredu bat eraikitzeko prozesuaren barruan, klima aldaketari erresilientzia eransteko. Eta, hirugarren emaitza gisa, sentsibilizazio estrategiak eta genero indarkeriaren adierazpenak landuko dituzten programak bultzatuko dute, lege esparru bermatzaileak aplikaturik eta emakumeak araudian ezarritako prebentzio eta arreta integraleko sistemetara hurbildurik.