Ametzagainarekin batera, Donostiako parke zabalena da. Hiru ibarrek osatzen dute, iparretik hegora orientatuak, eta horietatik errekasto txikiak igarotzen dira.

Horien artean, mendebaldeen dagoena da paseorako ondoen prestatua dagoena, izan ere, bide sare bat eta txoko ezberdinekin gozatzeko aukera ematen duen pasabide garai bat ditu, betiere, Arbideko Dorreen begirada dotorearen mende.

Modu erosoan aire zabaleko anfiteatrora iritsi, erabilera kulturaletarako diseinatua, XVII. mendearen bigarren erdialdean eraikitako Katxola baserri-dolareko sagasti autoktonoetako landaketen artetik ibili edo erreka bazterreko landaredia osatzen duten haltzadi, lizar, erramu eta astigarren basarte trinkoaren freskotasunak limur zaintzan utz daiteke.

Dena den, bisitaz gozatu ahal izateko, onena iturburutik, estratu geologikoetako kokaera bertikal bitxiak eratutako ur-jauzi mailakatutik, bidaia abiatzen duen Pakeako erreka kantariari jarraitzea izango da, Erramuneneko harizti hostotsura iritsi arte, bertan desagertzen baita erreka.