Breadcrumb

LIFE KANTAURIBAI

LIFE KANTAURIBAI proiektua

​​​​​​​             ​​​​​​​      ​​​​​​​      

   

 

LIFE KANTAURIBAI Europako proiektu bat da eta haren helburu nagusia da Bizkaiko golkoan itsasoratzen diren ibaien eta ibaiadarren ibai-ekosistemari lotutako espezie eta habitaten kontserbazio-egoera hobetzea Natura 2000 Sareko 15 babesgunetan, betiere Nafarroa, Gipuzkoa eta Akitania eskualdeen artean partekaturiko bost ibai-arrotan.

 

Berariazko helburuak

  • Natura 2000ko babesguneetako Batasunaren intereseko ibai-habitaten eta -espezieen kontserbazio-egoera hobetzea.
  • Ezagutza eta esku hartzeko gaitasuna era koordinatuan eta bateratuan handitzea.
  • Emaitzen berri ematea tokian, eskualdean eta Europan, hala gizarteari nola Administrazioei, ur emakidunei, ikertzaileei, adituei eta inguru horien bisitariei.
  • Gizartea eta arloko eragileak sentsibilizatzea gure ibaiek dakarten onurez eta ibaiak kontserbatu beharraz eta, era berean, Natura 2000 Sareak eta EBko LIFE funtsekin finantzaturiko proiektuek –hala nola KANTAURIBAIk– duten garrantziaz, huraxe lortzeko.

 

Garatu beharreko ekintzak

  1. Ibai-ekosistemari lotutako habitatak lehengoratu eta hobetzea: oztopoak ezabatu eta iragaztea, eta haltzadi kantauriarrak lehengoratzea..  
  2. Arrain migratzaileen espezieen kontserbazio-egoera hobetzea (izokina, aingira, kolaka, lanproiak…).
  3. Perla-muskuiluaren (Margaritífera margaritifera), desman piriniotarraren eta bisoi europarraren kontserbBerazio-egoera hobetzea.
  4. Espezie exotiko inbaditzaileak kontrolatzea, hala nola bisoi amerikarra, koipua, arratoi musketaduna, bai eta hainbat flora-espezie ere.
  5. Jarraipena eta ebaluazioa egitea.
  6. Komunikazioa, zabalkundea, jasangarritasuna, erreplikazioa, eta emaitzen ustiapena egitea.


Espero diren emaitzak

  • ​​​​​​​Ibaiko 25 oztopo ezabatzea eta beste zazpi oztopo iragaztea, arrainak igarotzeko, zazpi oztopo horiek ezin baitira gaur egun ezabatu.
  • Atlantikoko izokinak eta beste espezie migratzaile batzuek duten mehatxurik handienetako bat murriztea: ibaiak oso etenak baitaude.
  • Arrain migratzaileen espezieak kontrolatzeko eta haien jarraipen automatizatua egiteko sistemak ezartzea, espezie horien monitorizazioa ahalbidetzeko, betiere gizakiak ahalik eta gutxien esku harturik.
  • Gaur egun, flora exotiko inbaditzaileen espezieek okupatutako 100 ha haltzadi lehengoratzea.
  • Izokin populazioen tamaina % 10 handitzea; Margaritifera margaritifera espeziarena, % 5, eta bisoi europarrarena eta desmanarena, % 10.  
  • Espezie exotiko inbaditzaileen populazioak % 90 murriztea, hala nola bisoi amerikarra, koipua eta arratoi musketaduna.
  • Eskuliburu praktiko bat argitaratzea, zentral hidroelektrikoetako presek arrainen migrazioan duten inpaktua murrizteko.
  • Lan talde bat sortzea, Bidasoa ibaiaren arroaren nazioarteko koordinazioa ahalbidetzeko, arrain migratzaileen espezieak kudeatzeko eta haien jarraipena egiteko.

 

Proiektuaren oinarrizko fitxa

  • LIFE21-NAT-ES-LIFE KANTAURIBAI (101074197)
  • Aurrekontua, guztira: 10.858.333,71€
  • LIFE finantzatzioa: 6.514.995,00€ (60%)
  • Iraupena: 60 hilabete (2022ko urritik 2027ko irailera arte).
  • Zerikusia duten zuzentarauak: Habitat zuzentaraua, uraren esparru-zuzentaraua.
  • Jarduketa-esparrua: bi herrialdetako (Espainia eta Frantzia) hiru eskualdetako bost arro hidrografiko: Oria eta Urumea (Nafarroa eta Gipuzkoa), Errobi eta Urdazuri (Nafarroa eta Akitania) eta Bidasoa (hiru eskualdeek partekatua).

 

Bazkideak

  1. Gestión Ambiental de Navarra S.A. (koordinatzailea)
  2. Confederación Hidrográfica del Cantábrico
  3. Gipuzkoako Foru Aldundia
  4. Agencia Vasca del Agua - Ur Agentzia
  5. Donostiako Udala
  6. Errenteriako Udala
  7. Iberdrola Generación S.A.
  8. Centro Tecnológico Agrario y Alimentario (ITAGRA)
  9. Conservatoire d'Espaces Naturels de Nouvelle-Aquitaine (CEN NA)
  10. Groupe de Recherche et d'Étude pour la Gestion de l'Environnement (GREGE)
  11. Institut National de Recherche pour l'Agriculture, l'Alimentation et l'Environnement (INRAE)
  12. Scimabio Interface
  13. EFE SAU S.M.E. Agencia

 

Elkartutako erakundeak:

  1. Nafarroako Gobernua
  2. Hernaniko Udala
  3. Euskal Hirigune Elkargoa
  4. CPIE Seignanx et Adour
  5. Fédération de Pyrénées-Atlantiques pour la Pêche et la Protection du Milieu Aquatique