Ikusi programa

Donostia Sasoian Donostia Kirolaren estrategia gisa finkatu da, hirian bizitza osasungarria sustatzeko eta garatzeko. Hainbat programa, zerbitzu eta ekintza biltzen ditu, donostiarrei ongizate fisiko eta mentaleko maila handia lortzeko tresnak eskaintzera bideratuak, adin eta kolektibo guztiei zuzendutako ikuspegi integral batetik.

Kirola eta jarduera fisikoa dira estrategia horren funtsezko ardatzak, elikadurarekin, aktibazioarekin eta osasunarekin batera. Hori guztia beren eremuetan erreferente diren erakundeen sare zabal batekin lankidetzan garatzen da.

Piztu programa Donostia Sasoian ekimenaren zutabeetako bat da. Ekimen aitzindaria da, Osakidetzarekin lankidetzan garatua, pertsona ez-aktiboen artean jarduera fisikoa egitea bultzatzen duena, osasuna eta bizi kalitatea hobetzeko tresna gisa, eta Euskadiko beste udalerri batzuentzat eredu izan dena. Programa Donostiako osasun zentro guztietan ezarrita dago, agindutako 4.000 kirol errezeta baino gehiago egin dira, eta beste ekimen batzuekin osatzen da, hala nola osasun taldeekin, non urtero 1.200 pertsona inguruk parte hartzen duten.

Otsailetik aurrera, Donostia Sasoian programaren barruan, osasun mentalari eta kirolari buruzko hitzaldi ziklo bat jarriko da abian:

DONOSTIA SASOIAN HITZALDI ZIKLOA