Bidelagun programaren abiapuntua da kirola benetako balio-eskola dela, errespetuan, laguntasunean eta gozamen partekatu, aske eta seguruan oinarritua. Aldi berean, kirola gizartean eragin handia duen fenomeno gisa eta inklusioa, berdintasuna eta elkartasuna bezalako balioak sustatzeko tresna boteretsu gisa ulertzen du.

Donostia Kirolak, kirol eta gizarte erakunde eta eragileekin lankidetzan, kirolaren papera gizarte hobe baten eraikuntzan bultzatzeko egiten dituen ekintza eta ekimenen multzoa biltzen du Bidelagunek. Lehen fase honetan, programa bi jarduera-ildoren inguruan egituratzen da: Familien Eskola eta kirol egokituko bekak.

FAMILIEN ESKOLA

Ekimen honek programa egonkor bat sortzea planteatzen du, denboran jarraitua, kiroleko hezkuntzaren esparruan, kirol praktikaren egunerokoan dauden errealitate eta arazo desberdinei aurre egiteko aukera emango duena. Klubei eta haien ekosistema osoari zuzenduta dago, entrenatzaileak, koordinatzaileak, zuzendariak, kirolariak eta, bereziki, familiak barne.

Programa hainbat gairen inguruan garatuko da, seihileko bakoitzeko bat aukeratuz. Gai bakoitza lantzeko, hitzaldi ibiltariak egingo dira aurrez hautatutako Donostiako zazpi guneetan, prestakuntza eta hausnarketa hiriko auzoetara hurbiltzeko:





KIROL EGOKITUKO BEKAK

Bidelagunen bigarren jarduera-ildoa Rural Kutxak kirol egokituaren eremuan eliteko kirolariei laguntzeko beka-programa bat abian jartzea da, dauden oztopo ekonomiko eta sozialak murrizteko eta kirolean inklusioa eta aukera-berdintasuna bultzatzeko.

Lehen edizio honetan, bost kirolariri eman die beka programak: Ander Cepas, Iñigo Llopis, Nahia Zudaire eta Fernando Mitxelena, Parisko azken Paralinpiar Jokoetan parte hartu dutenak, eta Olaia Martinez mahai teniseko jokalaria, Europako Txapelketan domina bikoitza lortu berri duena.