Gaztetutako hiri batean bizitzea eta gozatzea
Donostia berrikuntza-prozesuan murgilduta dago gaur egun, etorkizuneko erronka garrantzitsuei aurre egiteko aukera emango dion prozesuan. Horrela, egiten ari garen HAPO berriaren bidez, hiria beste ikuspegi batetik eraikitzea bultzatuko dugu, hirigintza jasangarria eta arkitektura berritzailea eginez eta hirigune kalitatezkoak izan daitezen ahaleginduz.

Etxebizitza sortzea izango da —bai berria eraikita, bai dagoeneko eraikita dagoena berreskuratuta— gure ahaleginaren beste ildo bat, donostiarren bizimodu proiektu pertsonalak eta familiarrak aurrera ateratzen laguntzeko, bereziki gazteenak. Helburua 2033rako beste 6.000 etxebizitza berri izatea da.

Gaztetutako hiria erakargarria da bertan bizi garenontzat ere. Erakargarria da jaialdi handiek eta Donostia Kulturak, hiriko museoek eta antzokiek osatzen duten ekosistemak sortzen duten kultura eskaintzagatik ere. Gogoeta bat egingo dugu hiriko kultur etxeen eta liburutegien sarearen etorkizunaz eta bilakaeraz; izan ere, erreferentziazko zerbitzua baita herritarrentzat, dagoeneko 30 urte bete baititu eta berriz formulatu beharra baitu.

Eta erakargarria da kirola maite dutenentzat ere. Anoetako Kirol Hiria eta Illunbe multzoa modu integralean berritzeko lan egingo dugu. Baina baita kirola (oinarrizko kirola eta elitekoa) bultzatzen jarraitzeko ere, indar berezia jarriz emakumeen kirolean.

Aurkitu zure intereseko proiektu bat, aplikazioaren eremuaren arabera
Hiri-ingurune berriak

Oinezkoentzako gune batzuk berreskuratzea: TOPOa lurperatu eta GI-20 errepideak Marrutxipitik izango duen sarbide berria egindakoan sortuko direnak.
Auditz-Akularrerako plangintza

HAPO berrian Auditz-Akularrerako behin betiko plangintza zehaztea. Ingurunea errespetatzeko moduko hirigintza-garapena; eremu berdeak, ekipamendu komunitarioak eta erreferentziazko instalazioak izango dituena, teknologia, berrikuntza eta kalitatezko enplegua erakartzeko modukoak.
Etxebizitza Plan Zuzentzailea eguneratzea

Orain den Etxebizitza Plan Zuzentzailea berriz begiratu eta eguneratzea, hiriak dituen eta izango dituen beharretara egokitzeko.
Bizitzeko irtenbideak gazteentzat

Gazteei etxebizitza eskuragarriak (ekipamenduetarako apartamentuak, dagoeneko eraikita dauden etxebizitzak berreskuratzea, alternatiba berriak...) eskaintzen dizkieten neurri berriak abiaraztea.
Hiri-itsasertza: mantentze prebentiboa

Klima aldaketak ekarriko dituen ondorioak kontuan izan eta hiri-itsasertzeko elementuak monitorizatzeko, egokitzeko eta prebentziozko mantentze-lanak egitea.
Modu oneko alokairu eskaintza handitzea hirian

Alokairuko etxebizitza gehiago izatea, modu onean hartu ahal izateko batez ere gazteek.
Biztanlerik ez duten etxebizitzak berreskuratzea eta berraktibatzea

Eusko Jaurlaritzaren Etxebizitza Legeak babestutako neurriak abian jartzea, gaur egun hutsik dauden etxebizitzak higiezinen merkatura ateratzeko.
Kultur etxeak eta liburutegiak: direnak berritzea eta beste batzuk irekitzea

Kultur etxeen eta liburutegien sareko ekipamenduak handitzea eta berritzea, auzo bakoitzeko kulturaren erreferentzia-puntuak izateko aurrera ere.
Hiriko antzokiak modernizatzea

Berritze eta hobetze lan batzuk egitea Victoria Eugenian eta Antzoki Zaharrean, haien kultur programazioa eskaintza berritzaile baten bidez handitzeko modua izan dezaten.
Donostia euskararen eta euskal kulturaren erakusleihoa

Tokiko kultura-sarearen erakusleiho bihurtzea Donostia, euskarazko sorkuntza sustatuz eta eskaintza hori Euskaditik kanpoko eremu berrietara esportatzeko tresnak eskainiz.
Francisco Escudero kontserbatorioa

Instalazio berri batzuk ematea kontserbatorioari, prestakuntza-eskaintza handitu ahal izateko.
Hiriko jaialdi handien bilakaera

Hiriko jaialdi handiak gero eta digitalagoa, aktiboagoa eta heterogeneoagoa den publikoaren eskaera berrietara egokitzea.
Donostia Kirola, kirolaren eta kirol-ekitaldien dinamizatzailea eta sustatzailea

Kirola eta gizarte-kirola dinamizaziorako programak, proiektuak eta ekimenak abian jartzea Donostia Kirolak, hiriko kirol-elkarte eta eragileekin lankidetzan jardunda.
Udalaren Musika eta Dantza Eskola

Musika eta dantzaren arloetan, genero, jatorri eta gaitasun desberdinetako pertsonei bideratutako kalitatezko titulazio ofizialik gabeko irakaskuntza eskaintzea.
Tokiko arte- sorkuntza sustatzea

Arte-adierazpen emergenteek Donostiaren irudia, nortasuna eta kultura-proiekzioa indartzea. Euskal arte-sorkuntza indartzea, Donostia Kultura, Tabakalera, San Telmo Museoa, artistak, galeriak eta arte-eragile publiko eta pribatuen arteko sinergia berrien bidez.
Literatura-ibilbide batzuk egitea hirian

Donostiako literatura-sorkuntza ezagutaraztea, tokiko idazleen ibilbideen eta haien inspirazio-iturri eta literatura-lanen parte izan diren kale, plaza, negozio edo txokoen bidez.
Emakumeen kirolari laguntzea

Klubekin eta ikastetxeekin lankidetzan aritzea emakumeen kirola sustatzen jarraitzeko, oinarrietatik eliteko txapelketetara.
Kirol-instalazioak zaintzeko eta hobetzeko plana

Kirol-instalazioak hobetzeko, zaintzeko eta berritzeko plan bat definitzea, eta beste diziplina batzuetan kirola egiteko modua emango duten gune berriak sortzea.
Kirola eta Bizimodu Osasungarria

Osasuna eta ongizatea sustatzea kirol-jardueraren bidez, auzoetan eta, batez ere, aire zabalean egiteko programa eta ekimenen bidez.
Kirol Txartela, kirola sustatzeko motorra

Kirol Txartelaren prestazioak handitzea, pandemiaren aurreko harpidedun kopurua lortzeko.
2030eko Munduko Futbol Txapelketa

Donostia 2030eko Munduko Futbol Txapelketaren egoitza izateko hautagaitza bultzatzeko mekanismoak eta ekimenak aktibatzea.
Hiriko kiroleko plana

Aire zabaleko kirol-espazioak bultzatzea, kirol-modalitate berri batzuk egitea sustatzeko.

Interesatuko zaizu agian