1. Hasiera
  2. Izapideen katalogoa
  3. Kotizatu gabeko pentsioa (KGP)

Kotizatu gabeko pentsioa (KGP)

Gizarte Segurantzako pentsio hau bizitzeko nahiko baliabide ekonomikorik ez duten pertsona adindu edo desgaituentzako da.
Bi modalitate daude:
  • JUBILAZIOAGATIKO kotizatu gabeko pentsioa (KGP).
  • ELBARRITASUNAGATIKO kotizatu gabeko pentsioa (KGP).
14 ordainketa egiten dira (12 hileroko eta 2 aparteko ordainsari ekainean eta azaroan). Gipuzkoako Foru Aldundiaren Gizarte Politiketako Departamentua da espedientearen izapidetzearen eta ebazpena egitearen arduraduna. Hala ere, eskabidea Donostiako Udaleko Gizarte Zerbitzuen bidez egin behar da.

Norentzat

Baliabide gutxiko pertsonak, gutxienez %65eko desgaitasuna dutenak edo 65 urtetik gorakoak direnak.
Ikusi baldintzak hemen

Noiz eskatu

Urte osoan zehar

Beharrezko agiriak

Eskabidea eta dokumentazioa ikusi hemen

Eranskinen gehienezko tamaina: 10 Mb

Prozeduraren urratsak

Gizarte Zerbitzuetan aurretiazko hitzordua eskatzea.
  1. Gizarte langilearekin elkarrizketa bat izatea, premien azterketa bat egiteko.
  2. Baldintzak betetzen diren egiaztatzea.
  3. Eskabidea eta dokumentazioa erregistratzea.
  4. Eskabidea Gipuzkoako Foru Aldundiko Gizarte Politiketako Departamentura bidaltzea.
  5. Gipuzkoako Forua Aldundiak ebazpena ematea eta erabiltzaileari jakinaraztea.

Izapideen arduraduna

Departamentua: Gizarte Ekintzaren Zuzendaritza

Araudia

357/1991 Errege Dekretua, martxoaren 15ekoa, kotizazio gabeko pentsioen alorrean abenduaren 20ko 26/1990 Legea garatzen duena, Gizarte Segurantzan kotizazio gabeko prestazioak ezartzen dituena

8/2015 Legegintzako Errege Dekretua, urriaren 30ekoa, onartu zuen gizarte segurantzaren lege orokorraren testu bategina

PRE/3113/2009 Agindua, azaroaren 13koa, arauak ematen dituena martxoaren 15eko 357/1991 Errege Dekretua aplikatzeko eta garatzeko. Errege dekretu horrek garatu egiten du, ordaindutakoaren araberakoak ez diren pentsioen arloan, abenduaren 20ko 26/1990 Legea, ordaindutakoaren araberakoak ez diren prestazioak ezartzen dituena Gizarte Segurantzan, errenta edo diru sarrera konputagarriei eta haien egozpenari dagokionez.

Bestelako informazioa

Argibide gehiago

Kotizatu gabeko pentsioa laguntza hauekin bateraezina da:
  1. Gizarte Ongizateko Funtsaren pentsioa
  2. Minusbaliatuak gizarteratzeko legearen gutxieneko diru sarrerak bermatzeko subsidioa eta hirugarren baten beharragatik ematen den diru laguntza.
  3. KGPko pentsiodunak norberaren kargura dituen seme-alabengatik ematen den laguntzaren kausatzailea bada.

Onuradunek besteak beste ondorengo BETEBEHARRAK izango dituzte:
  • Pentsioa jasotzeko eskubidea edo honen zenbatekoa alda dezakeen edozein gorabeheraren berri eman behar da, 30 egun baino lehen.
  • Urtero diru sarreren aitorpena egin behar da.
  • Oker jasotako zenbatekoak itzuli behar dira.

Eskubideak

Interesdunek eskubidea dute Donostiako Udala haien datu pertsonalak tratatzen ari den ala ez dioen baieztapena jasotzeko. Bestalde, hurrengo eskubideak ere badituzte:

  • Haien datu pertsonaletara sarbide izateko.
  • Okerrak diren edo osatugabe dauden datuen zuzenketa eskatzeko.
  • Ezabatzea eskatzeko eskubidea, datuak jaso ziren beharrizanetarako jada beharrezkoak ez direnean
  • Datuen tratamendua mugatzea. Kasu horretan, Udalak erreklamazioen aurrean defendatzeko edo haiek egikaritzeko gordeko ditu soilik.
  • Datuen tratamenduaren aurka egitea. Kasu horretan, Udalak datuak tratatzeari utziko dio, salbu eta arrazoi legitimo larriak baldin badaude edo erreklamazio posibleen defentsa edo egikaritza badago.

Eskubide horiek Donostiako Udalaren aurrean, tratamenduaren Arduraduna denez, edo aukeran, tratamenduaren Eragilearen aurrean, egikaritu daitezke, modu on line edo presentzialean.

Eskubideen egikaritzan behar den arreta jaso ez baduzu, Datuen Babeserako Euskal Bulegoaren aurrean erreklamazioa jarri ahal izango duzu. Helbidea: Beato Tomás de Zumárraga, 71 3. solairua - 01008 Vitoria-Gasteiz. Hala ere, Udalaren datuen babesaren ordezkariarekin jarri zaitezke harremanetan, zure datuen tratamenduarekin erlazionatutako edozein afera dela eta.

Izapidearen egoera
Epe barruan
Presentziala
Bizi den auzoko gizarte zerbitzuetako zentrora joan behar da informazioa jasotzeko eta izapideak hasteko:
Dokumentuak

Triptikoa

Zerikusia duten izapide nabarmenak
Kotizatu gabekoen pentsioaren (KGP) etxebizitzako osagarria
Izapideak egiteko laguntza