1. Hasiera
  2. Izapideen katalogoa
  3. Bizilekua adineko pertsona autonomoentzat eta 1 mendekotasun maila dutenentzat

Bizilekua adineko pertsona autonomoentzat eta 1 mendekotasun maila dutenentzat

Baldintza egokietan bizitzeko, etxe birkokapen bat beharrezkoa duten 60 urtez gorako adineko autonomoentzako bizilekua, mantenua eta/edo arreta eskaintzeko balio duten baliabideak dira. Egoera horretan egotearen arrazoiak ugariak izan daitezke: bizilekurik ez egotea, elkarbizitzako gatazka larri eta eutsiezin batean egotea edo ohiko bizilekuaren baldintza fisikoak oso egoera txarrean egotea.
Bizileku alternatibo horien tipologia honako hau da:
  • Apartamentu sozialak eta etxebizitza komunitarioak.
  • Egoitza ekipamendua.

Norentzat

60 urte beteak izatea eskaera egiteko orduan, haren legezko ordezkariak ere eska dezake.
  • Azken bi urteetan, gutxienez, Donostian erroldaturik egotea edo, azken hamar urtean, guztira 8 urtean Donostian erroldaturik egon izana frogatzea.
  • Adineko pertsona autonomotzat joa izatea, organo eskudunak ezarritako balorazio eskalaren arabera.
  • Osasun erakundeetara maiz eramatea nahiz osasun publikoko neurriak hartzea eskatzen ez duen osasun egoeran egotea.
  • Bizilekuko elkarbizitzarako oztopo larria izan daitekeen jokabide arazorik ez izatea.

Noiz eskatu

Urte osoan zehar

Beharrezko agiriak

Identifikazio dokumentua: NAN / AIZOsasun txartela
  • Osasun-egoerari buruzko medikuaren txosten eguneratua (gizarte langileak edo dagokion baliabidearen arduradunek garrantzitsutzat jotzen badute).
  • Banaketa edo dibortzio demanda edo sententzia, edo, hura ez balego, doako justizia izateko eskabidea.
  • Hitzarmen arautzailea edo, hura ez balego, doako justizia izateko eskabidea.
  • EZGAITASUNA: Jagoletzaren, zaintzaren edo tutoretzaren egiaztagiria.
  • Egoera ekonomikoari buruzko datuak:
    • Lan kontratuak
    • Nominak
    • Autonomo erregimenean lan egiten duten pertsonak: ez badago errenta aitorpenik edo ez badu pertsonaren egungo egoera islatzen, bai pertsona horren jarduerak jarraitutasunik ez duelako bai pertsona horren diru-sarrerak egonkorrak ez direlako, azken hiru hilabeteetako batez besteko diru-sarrera garbiei buruzko zinpeko deklarazioa aurkeztu behar da.
    • Pentsio egiaztagiria, GSINekoak ez direnak (Atzerrikoak, BGAE, eta abar)
    • Mantenu pentsioa eta/edo pentsio konpentsatzailea kobratu izanaren frogagiria.
    • Mantenu pentsioa eta/edo pentsio konpentsatzailea ordaindu izanaren frogagiria.
    • Errentamenduetatik datozen diru sarrerak edozein modalitatetan, kontratutan edo ordainagiritan.
    • Titulu eta bankuko kontu guztien saldoaren eta interesen ziurtagiria (aurreko urteko abenduaren 31koa). Ziurtagirien ordez libreten fotokopiak aurkezten badira, libreten lehen orria ere aurkeztu behar da, libreta bakoitzaren titularra nor den jakiteko.
    • Ezarritako prezioaren hileko ehunekoa ordaintzeko erabiliko den banketxearen izena eta kontu korrontearen zenbakia.
  • Udaleko Gizarte Zerbitzuen iritziz interesekoa den edozein dokumentazio.

*Pertsona eskatzaileak ez badu bere egoera balioestea nahi edo ez badu egoera hori behar bezala frogatzen, ulertuko da uko egiten diola bere egoera ekonomikoa itxaron zerrenda eratzen duen baremoan aintzat hartzeari. Horrenbestez, behartuta egongo da zerbitzuaren ezarritako kostu osoa ordaintzera.

Oharra: Izapide honetan zehaztutako formularioa edo inprimaki espezifikoa erabiltzea derrigorrezkoa da.

Eranskinen gehienezko tamaina: 10 Mb

Ordaindu beharreko kopurua

Udal zerbitzuak eman edo jarduerak egiteari dagozkion prezio publikoak

2026ko indarrean dagoen eranskina

Erabiltzailearen ekarpen ekonomikoa haren ahalmen ekonomikoaren araberakoa da. Horretarako, aintzat hartuko dira eskatzailearen diru sarrerak eta ondarea.

Ebazteko epea eta isiltasunaren zentzua

Aurreikusitako epea: 2 hilabete

Legezko epea: 3 hilabete

Isiltasunaren zentzua: Aurkakoa

Itxaron zerrenda dago baliabide honetara sarbidea izateko.

Prozeduraren urratsak

  1. Gizarte Zerbitzuetan aurretiazko hitzordua eskatzea.
  2. Gizarte langilearekin elkarrizketa bat izatea, pertsona horren egoerari buruzko azterketa egiteko premien azterketa bat egiteko elkarrizketen eta etxera egindako bisiten bidez. Zehazki, eguneroko bizitzako jarduerak egin ahal izateko eskura zer laguntza dituen aztertuko da, bai eta bizilekuak denboran zer erabilgarritasun duen eta zein den pertsonaren elkarbizitza egoera eta zer laguntza mota dituen ere.
  3. Baldintzak betetzen diren egiaztatzea.
  4. Eskabidea eta dokumentazioa erregistratzea.
  5. Txosten-proposamena egitea (baliabidea eskuratzeko arrazoia, eskatzailearen inguruabar pertsonalak, familiarrak eta sozialak, eta, hala badagokio, eskatzailearen bizikidetza unitatearen inguruabarrak, pertsonaren borondate espresa edo haren legezko ordezkariarena).
  6. Eskabidea balioestea.
  7. Onartzeko edo ez onartzeko ebazpena ematea.
  8. Pertsona interesdunari jakinaraztea.
  9. Eskabidea baliabidearen sarbiderako itxaron zerrendan sartzea, hala badagokio.
  10. Dagokion zentroan sartu baino lehenagoko bisita egitea.
  11. Pertsona dagokion zentroan hartzea.
  12. Enpresak zerbitzuengatiko hileroko faktura egitea.
  13. Adinekoak eta Ezgaitasunak Zerbitzua programaren arduradunak jarraipena egitea.

Izapideen arduraduna

Departamentua: Gizarte Ekintzaren Zuzendaritza

Araudia

12/2008 Legea, abenduaren 5ekoa, Gizarte Zerbitzuei buruzkoa

185/2015 Dekretua, urriaren 6koa, Gizarte Zerbitzuen Euskal Sistemaren prestazio eta zerbitzuen zorroari buruzkoa

41/1998 Dekretua, martxoaren 10ekoa, adintsuentzako etxeetako gizarte zerbitzuei buruzkoa

Pertsona autonomoentzako ostatua eta elkarbizitzako zerbitzuen erregelamendua

39/2006 Legea, abenduaren 14koa, autonomia pertsonala sustatzeari eta mendetasun-egoeran dauden pertsonak zaintzeari buruzkoa

Bestelako informazioa

Apartamentu sozialak: pertsona autonomoen bizitza aurrera eramateko oinarrizko zerbitzuak eta espazioak eskaintzen dituzten lagun bakarrarentzako edo bi lagunentzako etxebizitzak dira.

Etxebizitza komunitarioak: adinekoak berak erabiltzeko logela bat eta bertan bizi diren gainerakoekin batera erabiltzeko beste hainbat espazio komunez (jangela, egongela eta bainugela) osatutako bizilekuak dira.

Bietan, hiru motako zerbitzuak eskaintzen dituzte:
  • Oinarrizkoak: bizilekua; kontrola eta tutoretza, espazio komunen garbiketa, segurtasuna, eta abar.
  • Aukeran: mantenua.
  • Poliki-poliki autonomia galtzen duten neurrian honako hau emango zaie: etxeko lanetarako eta norberaren zaintzarako laguntza.

Egoitza ekipamendua: Intentsitate maila bateko tutoretzaren eta laguntza teknikoaren premian dauden adineko pertsona autonomoei bizilekua eskaintzen die. Zerbitzu hauek ematen dira: Bizilekua (egonaldia eta mantenua), zaintza pertsonala, kontrola eta babesa, osasuna zaintzea eta familiartekoei laguntzea.

Adineko pertsonen bizi kalitatea hobetzeko ekimenei buruzko informazio gehiago nahi izanez gero:

Donostia Lagunkoia

Donostiako Irisgarritasun Plana

Tratamenduaren arduraduna

Identitatea: Donostiako Udala - IFK P2007400A

Helbidea: Ijentea, 1 - 20003 Donostia

Telefonoa: 010 / 943 481 000

Emaila: udalinfo@donostia.eus

Datuen Babesaren Ordezkaria: Donostiako Udaleko Datu Babeserako Ordezkaria

Tratamenduaren xedea

Gizarte-zerbitzuak diagnostikatzeko eta emateko beharrezkoa den informazio pertsonala, familiakoa eta soziala kudeatzea, etxebizitza babestuak eta larrialdikoak, laguntzak eta zentroak barne. Genero-politikak kanpo uzten dira, GENERO-POLITIKA tratatzeko jarduerari dagozkiolako

Gordetzeko epeak

Bulegoko artxiboaren erabateko ezabatzea 5 urte. Donostiako Udaleko Gobernu Batzarrak hartutako akordioetan jasotzen diren laguntzen zerrendak kontserbatu. 036 Kodea (gizarte-larrialdietarako laguntzen espedientea). Herri Administrazioko Dokumentazioaren Baloraziorako, Aukeraketarako eta Dokumentaziora Jotzeko Batzordeak (COVASED, 232/2000 Dekretua, azaroaren 21ekoa, Artxibo Zerbitzuetako Araudia eta EAEko Dokumentazio Ondarea erregulatzeko arauak onartzen dituena) onartu dituen dokumentuetako ebaluazioen taulen proposamena.

Legitimazioa

Botere publikoaren egikaritza DBEOren 6.1.e) art.: - 12/2008 Legea, abenduaren 5ekoa, Gizarte Zerbitzuei buruzkoa. - 14/2022 Legea, abenduaren 22koa, Inklusiorako eta Diru-sarrerak Bermatzeko Euskal Sistemarena. - 4/2011 Dekretua, urtarrilaren 18koa, Gizarte Larrialdietarako Laguntzei buruzkoa. - 39/2006 Legea, abenduaren 14koa, Autonomia Pertsonala Sustatzeari eta Mendekotasun-egoeran dauden Pertsonak Zaintzeari buruzkoa.

Hartzaileak

Legeak ezarritakoak eta tratamendu honen esparruan aplikagarri direnak.

Eskubideak

Interesdunek eskubidea dute Donostiako Udala haien datu pertsonalak tratatzen ari den ala ez dioen baieztapena jasotzeko. Bestalde, hurrengo eskubideak ere badituzte:

  • Haien datu pertsonaletara sarbide izateko.
  • Okerrak diren edo osatugabe dauden datuen zuzenketa eskatzeko.
  • Ezabatzea eskatzeko eskubidea, datuak jaso ziren beharrizanetarako jada beharrezkoak ez direnean
  • Datuen tratamendua mugatzea. Kasu horretan, Udalak erreklamazioen aurrean defendatzeko edo haiek egikaritzeko gordeko ditu soilik.
  • Datuen tratamenduaren aurka egitea. Kasu horretan, Udalak datuak tratatzeari utziko dio, salbu eta arrazoi legitimo larriak baldin badaude edo erreklamazio posibleen defentsa edo egikaritza badago.

Eskubide horiek Donostiako Udalaren aurrean, tratamenduaren Arduraduna denez, edo aukeran, tratamenduaren Eragilearen aurrean, egikaritu daitezke, modu on line edo presentzialean.

Eskubideen egikaritzan behar den arreta jaso ez baduzu, Datuen Babeserako Euskal Bulegoaren aurrean erreklamazioa jarri ahal izango duzu. Helbidea: Beato Tomás de Zumárraga, 71 3. solairua - 01008 Vitoria-Gasteiz. Hala ere, Udalaren datuen babesaren ordezkariarekin jarri zaitezke harremanetan, zure datuen tratamenduarekin erlazionatutako edozein afera dela eta.

Izapidearen egoera
Epe barruan
Presentziala
Bizi den auzoko gizarte zerbitzuetako zentrora joan behar da informazioa jasotzeko eta izapideak hasteko:
Dokumentuak

Eskabidea

Konpromisoa

Liburuxka

Zerikusia duten izapide nabarmenak
Plus 55 Programan izena ematea
Adineko eguneko arretarako udal zerbitzua (Goizaldiak)
Laguntza ekonomikoak: Bizimodu independentea erraztea
Izapideak egiteko laguntza