1. Hasiera
  2. Izapideen katalogoa
  3. Adineko eguneko arretarako udal zerbitzua (Goizaldiak)

Adineko eguneko arretarako udal zerbitzua (Goizaldiak)

Eguneko zerbitzu honen bidez, adineko pertsona ahulen autonomia mantentzen lagundu eta adinekoari bere ohiko giroan iraunaraztea lortu nahi da, bai eta haien sozializazioa bultzatzea ere, dagokion kasuetan, isolatze egoerak konpentsatzeko. Zerbitzua hainbat zentrotan eskaintzen da eta haietan hainbat talde jarduera egiten dira, hala nola gimnasia egokitua, erlaxazio tailerra, esku terapia, tailer ludikoak, memoria tailerrak, ikus-entzunezkoen tailerrak bai eta, bizi kalitatea hobetze aldera, zahartze aktiboa sustatzeko eta harreman sozialak izateko beste zenbait jarduera ere.
Zerbitzua Gizarte Ongizate Zuzendaritzak gaur egun adineko erretiratuei utzita dituen guneetan emango da. Zehazki, honako hauetan:
  • Altza-Larratxon: Bellavista elkartea. Larratxo, 26.
  • Amara Berrin: Gure Egunsentia. Javier Barkaiztegi, 11.
  • Antiguan: Udalaren lokala. Xalbador Bertsolaria, 14 (GZZ ondoan)
  • Bidebietan: Guardaplata elkartea. Serapio Mujika, 21.
  • Egian: Egiatarra elkartea. Mandasko Dukea, 48 behea.
  • Erdialdean: Jatorra elkartea. Larramendi 14, behea.
  • Grosean: Udalaren lokala. Nafarroa Beherea, 7.
  • Intxaurrondon: Intxaurralde elkartea. Zarategi, 66

Zerbitzua astelehenetik ostiralera ematen da, goizeko ordutegian: 10:00etatik 13:00era eta urte guztian zehar, oporraldietan izan ezik.

Zerbitzuaren aurkezpen bideoa

Norentzat

Irizpide orokorrak. Hauek dira baldintzak:
  • Donostian erroldatuta egotea, gutxienez eskaera egin baino aurreko 12 hilabetez jarraian.
  • 65 urte edo gehiago izatea.
  • Pertsona autonomo ahul edo mendekotasun txikikoa izatea (I. gradua MBB balorazioan, 39 puntura artekoa).
  • Isolamendua, bakardadea, abandonua edo tratu desegokia jasatea edo jasateko arriskuan egotea.
  • Intentsitate txikiko laguntzak behar izatea, zerbitzuak erabiltzailearen beharrei erantzuteko irismena izateko.
  • Gaixotasun infekzioso-kutsakor bat edota gaixotasun mentalen bat izanez gero, dagokion tratamendua ez baztertzea.
  • Jokabide-nahasmendurik ez izatea edota zerbitzuaren funtzionamendua edo zerbitzuko bizikidetza normala larriki nahas dezakeen edota pertsonarentzat berarentzat, beste erabiltzaile batzuentzat edo profesionalentzat arriskutsua izan daitekeen portaerarik ez agertzea.
  • Zerbitzuaren berezko zuzkiduren irismenetik eta aukeretatik kanpo dagoen osasun laguntza espezializatu eta/edo iraunkorrik behar ez izatea.
  • Zerbitzuari dagokion diru ekarpena ordaintzea.
  • Zerbitzuko jardueretara erregulartasunez joatea eta, ez joatekotan, arduradunari saiora edo saioetara joango ez dela jakinaraztea. Eta, ahal bada, absentziak zenbat iraungo duen jakinaraztea.

Noiz eskatu

Urte osoan zehar

Beharrezko agiriak

  • Bizikidetza unitatearen kide guztien kalkulu ekonomikoa egiteko dokumentazioa (bizikidetza unitatetzat jotzen da ezkontideek osatzen dutena edo ezkontideen erlazioaren analogoa den beste edozein erlazio).
  • Pentsioak ematen dituen erakundearen eguneratutako pentsioen ziurtagiria, GSINerak ez diren kasuetan.
  • Ondasun higiezinen errendimenduen egiaztagiria (alokairu kontratuak).

Dokumentazio hori Gizarte Zerbitzuetako Zentroetan ez dagoen guztietan eskatuko da (kasu batzuetan, dokumentazioa jada badago zentroetan beste izapidetzeak abian edo duela gutxi izapidetuak izateagatik).

Oharra: Izapide honetan zehaztutako inprimaki espezifikoa erabiltzea derrigorrezkoa da.

Eranskinen gehienezko tamaina: 10 Mb

Ordaindu beharreko kopurua

Erabiltzailearen eta haren bizikidetza unitatearen ahalmen ekonomikoaren araberako zenbatekoa. Baremo ekonomiko bat dago kalkulua egiteko.

Ebazteko epea eta isiltasunaren zentzua

Aurreikusitako epea: 5 egun

Legezko epea: 3 hilabete

Isiltasunaren zentzua: Aurkakoa

Prozeduraren urratsak

  1. Gizarte Zerbitzuetan aurretiazko hitzordua eskatzea.
  2. Gizarte langilearekin elkarrizketa bat izatea, premien azterketa bat egiteko.
  3. Baldintzak betetzen diren egiaztatzea.
  4. Eskabidea eta dokumentazioa erregistratzea.
  5. Erabiltzailea baliabidearen jarduerak egiten diren egun batean parte hartzera gonbidatzea.
  6. Proposamena baloratzea, behin betiko prezioa kalkulatzea.
  7. Zerbitzurako sarbidea onartzea edo ez onartzea ebaztea.
  8. Pertsona interesdunari jakinaraztea.
  9. Zentroan pertsona hartzea.
  10. Enpresak zerbitzuengatiko hileroko faktura egitea.
  11. Gizarte langileak jarraipena egitea

Izapideen arduraduna

Departamentua: Gizarte Ekintzaren Zuzendaritza

Araudia

12/2008 Legea, abenduaren 5ekoa, Gizarte Zerbitzuei buruzkoa

185/2015 Dekretua, urriaren 6koa, Gizarte Zerbitzuen Euskal Sistemaren prestazio eta zerbitzuen zorroari buruzkoa

39/2006 Legea, abenduaren 14koa, autonomia pertsonala sustatzeari eta mendetasun-egoeran dauden pertsonak zaintzeari buruzkoa

Oharrak: Ikusi honako hauek: 185/2015 Dekretuaren 33. artikulua, I. eranskina eta 1.2 epigrafea.

Bestelako informazioa

Zerbitzu hau eskuratzeko, itxaron zerrenda egon daiteke; izan ere, plaza kopurua mugatua da.

Adineko pertsonen bizi kalitatea hobetzeko ekimenei buruzko informazio gehiago nahi izanez gero:

Donostia Lagunkoia

Donostiako Irisgarritasun Plana

Tratamenduaren arduraduna

Identitatea: Donostiako Udala - IFK P2007400A

Helbidea: Ijentea, 1 - 20003 Donostia

Telefonoa: 010 / 943 481 000

Emaila: udalinfo@donostia.eus

Datuen Babesaren Ordezkaria: Donostiako Udaleko Datu Babeserako Ordezkaria

Tratamenduaren xedea

Gizarte-zerbitzuak diagnostikatzeko eta emateko beharrezkoa den informazio pertsonala, familiakoa eta soziala kudeatzea, etxebizitza babestuak eta larrialdikoak, laguntzak eta zentroak barne. Genero-politikak kanpo uzten dira, GENERO-POLITIKA tratatzeko jarduerari dagozkiolako

Gordetzeko epeak

Bulegoko artxiboaren erabateko ezabatzea 5 urte. Donostiako Udaleko Gobernu Batzarrak hartutako akordioetan jasotzen diren laguntzen zerrendak kontserbatu. 036 Kodea (gizarte-larrialdietarako laguntzen espedientea). Herri Administrazioko Dokumentazioaren Baloraziorako, Aukeraketarako eta Dokumentaziora Jotzeko Batzordeak (COVASED, 232/2000 Dekretua, azaroaren 21ekoa, Artxibo Zerbitzuetako Araudia eta EAEko Dokumentazio Ondarea erregulatzeko arauak onartzen dituena) onartu dituen dokumentuetako ebaluazioen taulen proposamena.

Legitimazioa

Botere publikoaren egikaritza DBEOren 6.1.e) art.: - 12/2008 Legea, abenduaren 5ekoa, Gizarte Zerbitzuei buruzkoa. - 14/2022 Legea, abenduaren 22koa, Inklusiorako eta Diru-sarrerak Bermatzeko Euskal Sistemarena. - 4/2011 Dekretua, urtarrilaren 18koa, Gizarte Larrialdietarako Laguntzei buruzkoa. - 39/2006 Legea, abenduaren 14koa, Autonomia Pertsonala Sustatzeari eta Mendekotasun-egoeran dauden Pertsonak Zaintzeari buruzkoa.

Hartzaileak

Legeak ezarritakoak eta tratamendu honen esparruan aplikagarri direnak.

Eskubideak

Interesdunek eskubidea dute Donostiako Udala haien datu pertsonalak tratatzen ari den ala ez dioen baieztapena jasotzeko. Bestalde, hurrengo eskubideak ere badituzte:

  • Haien datu pertsonaletara sarbide izateko.
  • Okerrak diren edo osatugabe dauden datuen zuzenketa eskatzeko.
  • Ezabatzea eskatzeko eskubidea, datuak jaso ziren beharrizanetarako jada beharrezkoak ez direnean
  • Datuen tratamendua mugatzea. Kasu horretan, Udalak erreklamazioen aurrean defendatzeko edo haiek egikaritzeko gordeko ditu soilik.
  • Datuen tratamenduaren aurka egitea. Kasu horretan, Udalak datuak tratatzeari utziko dio, salbu eta arrazoi legitimo larriak baldin badaude edo erreklamazio posibleen defentsa edo egikaritza badago.

Eskubide horiek Donostiako Udalaren aurrean, tratamenduaren Arduraduna denez, edo aukeran, tratamenduaren Eragilearen aurrean, egikaritu daitezke, modu on line edo presentzialean.

Eskubideen egikaritzan behar den arreta jaso ez baduzu, Datuen Babeserako Euskal Bulegoaren aurrean erreklamazioa jarri ahal izango duzu. Helbidea: Beato Tomás de Zumárraga, 71 3. solairua - 01008 Vitoria-Gasteiz. Hala ere, Udalaren datuen babesaren ordezkariarekin jarri zaitezke harremanetan, zure datuen tratamenduarekin erlazionatutako edozein afera dela eta.

Izapidearen egoera
Epe barruan
Presentziala
Bizi den auzoko gizarte zerbitzuetako zentrora joan behar da informazioa jasotzeko eta izapideak hasteko:
Dokumentuak

Eskabidea

Liburuxka

Triptiko informatiboa

Zerikusia duten izapide nabarmenak
Desgaitasunaren balorazioa
Laguntza ekonomikoak: Bizimodu independentea erraztea
Izapideak egiteko laguntza