1. Hasiera
  2. Izapideen katalogoa
  3. Hirigintza egikaritzea: Ituntze Hitzarmena

Hirigintza egikaritzea: Ituntze Hitzarmena

Gauzatze pribatuko erregimena duen jarduketa sistema bat da.

Udalak plangintzan, edo izatekotan ere, hirigintzako jarduketa programan finkatzen du hirigintza gauzatzeko jarduketa sistema.

Itun sistemaren bidez, lurzoruaren % 50 baino gehiago duten pertsona jabeek hitzarmen bat sinatuz hau onartzen dute:
  • Itun batzordea osatzea
  • Batzordearen bidez, onuradunak eta jarduketa kargak ekitatez banatzeko birpartzelazio dokumentua formulatzea.
  • Nahitaez eta doan laga beharreko lur eta ondasunak Legean, plangintzan edo hitzarmenean ezarritakoarekin bat ematea.
  • Urbanizazio karga guztiak bere gain hartzea eta Legean, plangintzan edo hitzarmenean unitateari esleitutako hirigintzako, azpiegituretako eta zerbitzuetako obrak egikaritzea.

Norentzat

Interesdunak edo bera ordezkatzeko baimena duenak.

Beste pertsona bat baimen dezakezu tramite hau zure izenean egin dezan. Horretarako ordezkaritza baimen hau bete beharko duzu.

Ordezkaritza iraunkorragoa eman nahi baduzu, ordezkarien erregistroan egin dezakezu.

Noiz eskatu

Urte osoan zehar

Beharrezko agiriak

Ordezkapena zuritzeko aurkezten duen agiria, hala dagokioneanOharra: Izapide honetan zehaztutako formularioa erabiltzea derrigorrezkoa da.

Eranskinen gehienezko tamaina: 200 Mb

Ordaindu beharreko kopurua

Izapidea doakoa da, baina beharrezkoa da urbanizazio kargen % 7ri dagokion fidantza bat gordailuan lagatzea.

Ebazteko epea eta isiltasunaren zentzua

Aurreikusitako epea: 4 hilabete

Legezko epea: 3 hilabete

Isiltasunaren zentzua: Aurkakoa

Hitzarmena ez bada epearen barruan sinatzen, Udalak jarduketa sistema aldatuko du eta eragile urbanizatzailearenera edo egikaritze publikoko batenera pasatuko da.

Batzordea eratzeko epea:
  • Plangintzan finkatuta badago: 6 hilabete behin betiko onespenetik hasita.
  • Hirigintzako Jarduketa Planean finkatuta badago: 2 hilabete onespenetik hasita.

Prozeduraren urratsak

  1. Eskabidea eta dokumentazioa erregistratzea.
  2. Txosten teknikoa eta juridikoa (arkitektoa eta hirigintzako teknikari juridikoa).
  3. Tokiko Gobernu Batzordearen erabakia, hasierako onespenarekin, eta hala badagokio, baldintzekin.
  4. Iragarkia argitaratzea GAOn, zabalkunde handieneko egunkarian/etan eta www.donostia. eus atarian, 20 egun baliodun emanez alegazioak aurkezteko.
  5. Alegazioen eta behin betiko onespenaren Hirigintza Txostenak.
  6. Tokiko Gobernu Batzordearen behin betiko onespena.
  7. Erabakia interesdunei jakinaraztea eta Gipuzkoako Aldizkari Ofizialean argitaratzea.
  8. Hitzarmena sinatzea.

Izapideen arduraduna

Departamentua: Hirigintza Sostengagarriko Zuzendaritza

Araudia

105/2008 Dekretua, ekainaren 3koa, Lurzoruari eta Hirigintzari buruzko ekainaren 30eko 2/2006 Legea garatzen duten premiazko neurriei buruzkoa

2/2006 Legea, ekainaren 30ekoa, lurzoruari eta hirigintzari buruzkoa

7/2015 Legegintzako Errege Dekretua, urriaren 30ekoa, Lurzoruaren eta Hiri Erreabilitazioaren Legearen testu bategina onartzen duena

21/2013 Legea, abenduaren 9koa, ingurumen ebaluazioari buruzkoa

Donostiako Hiria Antolatzeko Plan Orokorra

123/2012 Dekretua, uztailaren 3koa, hirigintzako estandarrei buruzkoa

Bestelako informazioa

Hitzarmenaren edukia Udalak finkatuko du Hirigintzako Jarduketa Programarekin batera, udal administrazioko interesdunek proposaturik.

Ez dago batzorderik eratu beharrik azalera osoa pertsona bakar batena denean; kasu horretan, pertsona horrek izango du batzordeari dagozkion betebeharren ardura eta hitzarmena sinatuko du.

Tratamenduaren arduraduna

Identitatea: Donostiako Udala - IFK P2007400A

Helbidea: Ijentea, 1 - 20003 Donostia

Telefonoa: 010 / 943 481 000

Emaila: udalinfo@donostia.eus

Datuen Babesaren Ordezkaria: Donostiako Udaleko Datu Babeserako Ordezkaria

Tratamenduaren xedea

Udalak hirigintzaren arloan egindako prozedurak eta jarduerak kudeatzea eta kontrolatzea, plangintza, kudeaketa, hirigintza-legezkotasuna berrezartzea, hirigintza-desjabetzeak eta udalaren eskumeneko gainerako gaiak barne. Alde batera uzten dira jarduera horien xede izan daitezkeen lizentziak edo baimenak, UDAL LIZENTZIAK ETA BAIMENAK, eta, hala badagokio, hasitako zehapen-prozedurak, jarduerari dagozkiolako ZEHAPEN-PROZEDUREN tratamendua.

Gordetzeko epeak

Bulegoko artxibotik erabateko ezabatzea 5 urtetan.

Legitimazioa

DBEOren 6.1.e) artikulua, interes publikoa edo esleitutako botere publikoen egikaritza: -Apirilaren 7ko 2/2016 Legearen, Euskadiko Toki Erakundeei buruzkoa, 17.1.9 artikulua. -Apirilaren 2ko 7/1985 Legearen, Toki-araubideen oinarriak arautzen dituena, 25.2.a) artikulua. - 7/2015 Legegintzako Errege Dekretua, Urriaren 30Ekoa, Lurzoruaren Eta Hiri Erreabilitazioaren Legearen Testu Bategina Onartzen Duena. - 21/2003 Legea, Abenduaren 9koa, Ingurune Ebaluazioakoa. -Establezimendu Publikoak eta atseden jarduerak kokatzeko Udal Ordenantza. -Ordenantza, eragozpenak sortzen, osasungarritasun edo higiene baldintzak aldatzen edo pertsonei zein gauzei arriskuak sortzen diezkieten jardueretatik herritarrak babesteko Udalak nola jokatu behar duen arautzekoa. -Eraikuntzako Ordenantza Osagarriak. -Ordenantza, Telekomunikazio sareetako instalazio irrati elektrikoak arautzekoa. -Soinu eta zarataren kutsadura dela eta Udalak hartuko duen jarrera arautzen duen Ordenantza. - Donostiako Bizitegi Eraikinetako Etxe­Bizitzetarako Irisgarritasuna Sustatzeko Udal Ordenantza - 2/2006 Legea, Ekainaren 30Ekoa, Lurzoruari Eta Hirigintzari Buruzkoa - 1954ko abenduaren 16ko Nahitaezko Desjabetze Legea. - 1957ko apirilaren 26ko Nahitaezko Desjabetze Legearen Erregelamendua.

Hartzaileak

Legeak ezarritakoak eta tratamendu honen esparruan aplikagarri direnak.

Eskubideak

Interesdunek eskubidea dute Donostiako Udala haien datu pertsonalak tratatzen ari den ala ez dioen baieztapena jasotzeko. Bestalde, hurrengo eskubideak ere badituzte:

  • Haien datu pertsonaletara sarbide izateko.
  • Okerrak diren edo osatugabe dauden datuen zuzenketa eskatzeko.
  • Ezabatzea eskatzeko eskubidea, datuak jaso ziren beharrizanetarako jada beharrezkoak ez direnean
  • Datuen tratamendua mugatzea. Kasu horretan, Udalak erreklamazioen aurrean defendatzeko edo haiek egikaritzeko gordeko ditu soilik.
  • Datuen tratamenduaren aurka egitea. Kasu horretan, Udalak datuak tratatzeari utziko dio, salbu eta arrazoi legitimo larriak baldin badaude edo erreklamazio posibleen defentsa edo egikaritza badago.

Eskubide horiek Donostiako Udalaren aurrean, tratamenduaren Arduraduna denez, edo aukeran, tratamenduaren Eragilearen aurrean, egikaritu daitezke, modu on line edo presentzialean.

Eskubideen egikaritzan behar den arreta jaso ez baduzu, Datuen Babeserako Euskal Bulegoaren aurrean erreklamazioa jarri ahal izango duzu. Helbidea: Beato Tomás de Zumárraga, 71 3. solairua - 01008 Vitoria-Gasteiz. Hala ere, Udalaren datuen babesaren ordezkariarekin jarri zaitezke harremanetan, zure datuen tratamenduarekin erlazionatutako edozein afera dela eta.

Izapidearen egoera
Epe barruan
Telematikoa

Tramitea hasi

Dokumentuak

Eskabidea

Zerikusia duten izapide nabarmenak
Hirigintza egikaritzea: Urbanizazio proiektua
Hirigintza egikaritzea: Birpartzelazio proiektua
Hirigintza egikaritzea: Hirigintzako jarduketa programa
Izapideak egiteko laguntza