1. Hasiera
  2. Izapideen katalogoa
  3. Laguntza ekonomikoak: Oztopoak kentzeko eta desgaitasuna edo mendekotasuna duten pertsonei laguntzeko produktuak

Laguntza ekonomikoak: Oztopoak kentzeko eta desgaitasuna edo mendekotasuna duten pertsonei laguntzeko produktuak

Dirulaguntzak eta laguntza-produktuak ematea, ezgaitasuna duten edo mendetasun egoeran dauden pertsonak etxean egoten laguntzeko eta eguneroko jarduerak egiteko autonomia eta gizarteratzea lortuko dutela bermatzeko.

Laguntza hauetarako sarbidea izateko, beharrezkoa da mendekotasun egoeran dagoen pertsonatzat edo desgaitasuna duen pertsonatzat aitortua izatea aurrez. Udaleko Gizarte Zerbitzuetan egin daitekeen aurretiko izapide bat da hau.

Gipuzkoako Foru Aldundiaren Gizarte Politiketako Departamentua da espedientearen izapidetzearen eta ebazpena egitearen arduraduna. Hala ere, eskabidea Donostiako Udalaren Gizarte Zerbitzuen bidez egin behar da.

Norentzat

Ikusi baldintzak hemen

Noiz eskatu

Urte osoan zehar

Beharrezko agiriak

Eskabidea eta dokumentazioa ikusi hemen

Eranskinen gehienezko tamaina: 10 Mb

Ordaindu beharreko kopurua

Doakoa, laguntza produktu berreskuragarrien kasuan. Laguntza produktu berreskuraezinen eta ingurune fisikoaren oztopoen egokitzapen lanen gastuak Foru Aldundiak eta pertsona erabiltzaileek elkarrekin ordainduko dituzte. Azken horiek ordaintzen duten diru kopurua beren ahalmen ekonomikoaren araberakoa da.

Prozeduraren urratsak

  1. Gizarte Zerbitzuetan aurretiazko hitzordua eskatzea.
  2. Gizarte langilearekin elkarrizketa bat izatea, premien azterketa bat egiteko.
  3. Baldintzak betetzen diren egiaztatzea.
  4. Eskabidea eta dokumentazioa erregistratzea.
  5. Eskabidea Gipuzkoako Foru Aldundiko Gizarte Politiketako Departamentura bidaltzea.
  6. Gipuzkoako Forua Aldundiak ebazpena ematea eta erabiltzaileari jakinaraztea.

Izapideen arduraduna

Departamentua: Gizarte Ekintzaren Zuzendaritza

Araudia

185/2015 Dekretua, urriaren 6koa, Gizarte Zerbitzuen Euskal Sistemaren prestazio eta zerbitzuen zorroari buruzkoa

2008ko abenduaren 23ko 87/08 Foru Dekretua, ezgaitasuna edo mendekotasuna duten pertsonentzako Etxean programako banakako laguntzak arautzen dituena

Donostia Lagunkoia

Donostiako Irisgarritasun Plana

Oharrak: Ikusi 185/2015 Dekretuko 33. artikuluaren 2.7.2.2. epigrafea.

Bestelako informazioa

Laguntza teknikoa (laguntza produktua): Autonomiaren mugaketak saihesteko, orekatzeko, arintzeko edo desagerrarazteko erabiltzen diren produktuak, tresnak, ekipamenduak eta sistema teknikoak dira.Laguntza teknikoak (laguntza produktuak) honela banatzen dira:
  • berreskuragarriak, pertsona batek baino gehiagok berrerabil ditzaketenak eta alde batetik bestera mugi daitezkeenak inolako kosturik gabe (garraioaren kostuak izan ezik). Zerbitzu horietarako sarbidea hornikuntza zerbitzuen bidez izango da, eta maileguan edo epe baterako lagapenean emango dira.
  • berreskuraezinak, haien ezaugarriak direla-eta besterenezinak direnak eta, horrenbestez, eskatzaile bakarra edo, ohiz kanpoko kasuetan, bat baino gehiago aldi berean izan ditzaketenak. Produktu horiek eskuratzeko aukera diru laguntzen bidez bermatu ahal izango da.
Ingurune fisikora egokitzea: oztopo arkitektonikoak kentzeko obrak diseinatzea eta gauzatzea, bai eta ohiko bizilekuan egokitzapenak egitea. Ingurune fisikoan egokitzapenak egitea, ezin baldin bada zerbitzua eman, diru laguntzen bidez bermatuko da.

Sartu Gipuzkoako Foru Aldundiaren webgunean argibide gehiago eskuratzeko

Eskubideak

Interesdunek eskubidea dute Donostiako Udala haien datu pertsonalak tratatzen ari den ala ez dioen baieztapena jasotzeko. Bestalde, hurrengo eskubideak ere badituzte:

  • Haien datu pertsonaletara sarbide izateko.
  • Okerrak diren edo osatugabe dauden datuen zuzenketa eskatzeko.
  • Ezabatzea eskatzeko eskubidea, datuak jaso ziren beharrizanetarako jada beharrezkoak ez direnean
  • Datuen tratamendua mugatzea. Kasu horretan, Udalak erreklamazioen aurrean defendatzeko edo haiek egikaritzeko gordeko ditu soilik.
  • Datuen tratamenduaren aurka egitea. Kasu horretan, Udalak datuak tratatzeari utziko dio, salbu eta arrazoi legitimo larriak baldin badaude edo erreklamazio posibleen defentsa edo egikaritza badago.

Eskubide horiek Donostiako Udalaren aurrean, tratamenduaren Arduraduna denez, edo aukeran, tratamenduaren Eragilearen aurrean, egikaritu daitezke, modu on line edo presentzialean.

Eskubideen egikaritzan behar den arreta jaso ez baduzu, Datuen Babeserako Euskal Bulegoaren aurrean erreklamazioa jarri ahal izango duzu. Helbidea: Beato Tomás de Zumárraga, 71 3. solairua - 01008 Vitoria-Gasteiz. Hala ere, Udalaren datuen babesaren ordezkariarekin jarri zaitezke harremanetan, zure datuen tratamenduarekin erlazionatutako edozein afera dela eta.

Izapidearen egoera
Epe barruan
Presentziala
Bizi den auzoko gizarte zerbitzuetako zentrora joan behar da informazioa jasotzeko eta izapideak hasteko:
Zerikusia duten izapide nabarmenak
Desgaitasunaren balorazioa
Telelaguntza
Mendekotasunaren balorazioa
Izapideak egiteko laguntza