Nolakoa da hiria
Donostia bizitzea merezi duen hiria da. Hiri irekia eta dinamikoa da, pertsonak eta haien ingurunea zaintzen dituena, eta garapen orekatu eta iraunkorraren aldeko apustua egiten duena.
Nortasun kultural sendoa du, euskara du zutabe, eta begirada berritzailearekin zaintzen du bere iragana. Zientzia eta ezagutza ardatz dira gure hirian, aurrera egiten jarraitzeko eta donostiarren bizi-kalitatea hobetzeko.
Donostia aukeraz beteta dago, abegikorra da, konprometitua eta anitza, guztiontzako bizikidetza, ongizatea eta aukerak sustatzen dituen hiria da.
Sustrai sakonak ditu, eta bere kulturaz harro dago, baina etorkizunari begirada argiaz begiratzen dio, donostiarrek beren bizi-proiektua garatu ahal izateko pentsatutako begiradaz, hain zuzen.
Jasangarritasuna bere politika eta jarduera guztien zeharkako ardatz duen hiri baten aldeko apustua egiten dugu.
Kultura hiriko hainbat dinamika eta gune eraldatzeko elementu gisa sustatzeko lan egiten dugu.
Kirolean sinesten dugu osasunaren sustatzaile gisa, herritarrek bizi-kalitate hobea izan dezaten.
Bisitatzen gaituztenak hartzen dituen hiria gara, herritarren eta gure nortasuna ezagutu nahi dutenen arteko bizikidetzari lehentasuna emanez.
Enpresei, ekintzaileei eta talentuari gure sustengua ematen diegu, Donostia aukeraz betetako hiria izan dadin.
Donostia Zientzia eta Ezagutza da, berrikuntzaren aldeko apustua egiten duen hiria, bere etorkizunerako funtsezko ildo estrategiko gisa.
Elkartasuna eta berdintasuna bultzatzen dituen hiria gara, lankidetza eta kohesio soziala sustatuz, herritarren inplikazioarekin.
Donostia, euskararen hiria. Donostia euskararen hiriburua da, batzen gaituen hizkuntza, gure kulturaren eta nortasunaren zutabea.
Donostia gazteek beren bizi-proiektuak garatu ahal izateko hiri bihurtzeko baldintzak eta aukerak sustatzen ditugu.
Ezagutu auzoak
Donostia 15 auzok eta 2 lurralde-eremuk osatzen dute, eta haien nortasunek eta berezitasunek hiri anitza eta bizitzaz betea osatzen dute.
Horiek guztiak errealitate komun baten inguruan egituratzen dira: auzotarrak dira haietako bakoitzaren ardatza.
Ezagutu berdeguneak
Donostia hiri berdea da, eta hiria egituratzen duten parke eta lorategi ugari ditu. Hogeita hamar natura-eremu ditu, ingurumenarekiko errespetua eta kultura-ondare garrantzitsu baten balioa uztartzen dituztenak.
Izaera horri hiria inguratzen duen ingurune natural pribilegiatua gehitu behar zaio. Kantauri itsasora irekitako bidezidor, begiratoki eta paisaiek hiriaren eta paisaiaren arteko lotura estua indartzen dute.
Ezagutu hondartzak
Donostia kostaldeko hiria da, eta bere hondartzen inguruan dago egituratua, hiri-ingurunean erabat integratuta baitaude.
Gainera, lau hondartzetako bakoitzak nortasun propioa du, eta nortasun horri arreta berezia ematen zaio zaintzari eta zerbitzuei dagokienez.
Donostia datuetan
Ezagutza da kudeaketarako tresnarik onena. Horregatik, Udalak datu-base eguneratu eta zabala du, herritarrentzat erabaki onenak hartzea ahalbidetzen duena.
Datu demografikoak, ekonomikoak, ingurumenari lotutakoak… Guztiak donostiarren eskura, klik bakarrean.
Mapak - GeoDonostia
Azken albisteak
Atari digital berriak informazioaren bilaketa sinplifikatzen du eta kudeaketa administratiboa arintzen du, herritarren egunerokotasuna errazteko
Donostiako Udalaren Musika eta Dantza Eskolako 1.000 ikasle baino gehiago bilduko dira Egiako Blas de Otero plazan ikasturte amaiera ospatzeko maiatzaren 14tik 17ra
Alkateak donostiarrak gonbidatu ditu ideia eta ahots berriak biltzera hiri oparo eta zoriontsua lortzeko helburuarekin
Maiatzaren 20tik ekainaren 18ra arte egongo dira ikusgai