1. Hasiera
  2. Izapideen katalogoa
  3. Mendekotasunaren balorazioa

Mendekotasunaren balorazioa

3 urte baino gehiagoko pertsonen mendekotasun gradua baloratzea.

Balorazioaren emaitza behin betikoa edo behin behinekoa izan daiteke.
Gipuzkoako Foru Aldundiaren Gizarte Politiketako Departamentua da espedientearen izapidetzearen eta ebazpena egitearen arduraduna. Hala ere, eskabidea Donostiako Udaleko Gizarte Zerbitzuen bidez egin behar da.

Norentzat

3 urtetik gorako pertsonak, mendekotasun iraunkorreko egoeran daudenak, adinagatik, gaixotasunagatik edo desgaitasunagatik; egoera hori lotuta egongo da autonomia fisikoa, burukoa, intelektuala edo zentzumenekoa gutxiago izateari edo batere autonomiarik ez izateari, aurreko egoerara lehengoratzeko edo egoera hobetzeko arrazoizko aukerarik gabe.
Ikusi baldintzak hemen

Noiz eskatu

Urte osoan zehar

Beharrezko agiriak

Ikusi eskabidea eta dokumentazioa hemen

Eranskinen gehienezko tamaina: 10 Mb

Ebazteko epea eta isiltasunaren zentzua

Aurreikusitako epea: 3 hilabete

Legezko epea: 3 hilabete

Isiltasunaren zentzua: Aurkakoa

Epea: Aldundiko Balorazio Zerbitzuko langileen eta pertsonen artean hitzordua ezartzen den egunaren araberakoa da.

Prozeduraren urratsak

  1. Gizarte Zerbitzuetan aurretiazko hitzordua eskatzea.
  2. Gizarte langilearekin elkarrizketa bat izatea, premien azterketa bat egiteko.
  3. Baldintzak betetzen diren egiaztatzea.
  4. Eskabidea eta dokumentazioa erregistratzea.
  5. Eskabidea Gipuzkoako Foru Aldundiko Gizarte Politiketako Departamentura bidaltzea.
  6. Beharrezko dokumentazioa eta txostenak badaudela egiaztatzean, baloratu behar den pertsonarekin hitzordua ezarri ondoren, Diputazioak bisita egingo du baloratu behar den pertsonaren etxera, elkarrizketa bat eta balorazio galdetegia egiteko.
  7. Gipuzkoako Forua Aldundiak ebazpena ematea eta interesdunari jakinaraztea.

Izapideen arduraduna

Departamentua: Gizarte Ekintzaren Zuzendaritza

Araudia

174/2011 Errege Dekretua, otsailaren 11koa, mendekotasuna baloratzeko baremoa, besteren menpean bizi diren pertsonen autonomia pertsonala eta arreta sustatzeko abenduaren 14ko 39/2006 Legeak ezarritakoa, onetsi duena

39/2006 Legea, abenduaren 14koa, autonomia pertsonala sustatzeari eta mendetasun-egoeran dauden pertsonak zaintzeari buruzkoa

888/2022 Errege Dekretua, urriaren 18koa, desgaitasun maila aitortu, deklaratu eta kalifikatzeko prozedura ezartzen duena

Oharrak: Ikusi 39/2006 Legeko 26. artikulutik 28. artikulura

Bestelako informazioa

Baloraziotik ateratzen den mendekotasun graduaren arabera, eskatzaileak Zerbitzuen eta Prestazioen Zorroan jasotako hainbat zerbitzu eta prestazio jasotzeko eskubidea izango du, zerbitzu eta prestazio bakoitzerako berariaz ezarritako baldintzak betetzen baditu.

Argibide gehiago

Eskubideak

Interesdunek eskubidea dute Donostiako Udala haien datu pertsonalak tratatzen ari den ala ez dioen baieztapena jasotzeko. Bestalde, hurrengo eskubideak ere badituzte:

  • Haien datu pertsonaletara sarbide izateko.
  • Okerrak diren edo osatugabe dauden datuen zuzenketa eskatzeko.
  • Ezabatzea eskatzeko eskubidea, datuak jaso ziren beharrizanetarako jada beharrezkoak ez direnean
  • Datuen tratamendua mugatzea. Kasu horretan, Udalak erreklamazioen aurrean defendatzeko edo haiek egikaritzeko gordeko ditu soilik.
  • Datuen tratamenduaren aurka egitea. Kasu horretan, Udalak datuak tratatzeari utziko dio, salbu eta arrazoi legitimo larriak baldin badaude edo erreklamazio posibleen defentsa edo egikaritza badago.

Eskubide horiek Donostiako Udalaren aurrean, tratamenduaren Arduraduna denez, edo aukeran, tratamenduaren Eragilearen aurrean, egikaritu daitezke, modu on line edo presentzialean.

Eskubideen egikaritzan behar den arreta jaso ez baduzu, Datuen Babeserako Euskal Bulegoaren aurrean erreklamazioa jarri ahal izango duzu. Helbidea: Beato Tomás de Zumárraga, 71 3. solairua - 01008 Vitoria-Gasteiz. Hala ere, Udalaren datuen babesaren ordezkariarekin jarri zaitezke harremanetan, zure datuen tratamenduarekin erlazionatutako edozein afera dela eta.

Izapidearen egoera
Epe barruan
Presentziala
Zerikusia duten izapide nabarmenak
Desgaitasunaren balorazioa
Etxez etxeko laguntza udal zerbitzua (ELZ)
Telelaguntza
Izapideak egiteko laguntza