1. Hasiera
  2. Izapideen katalogoa
  3. Laguntza ekonomikoak: Gizarte-larrialdietarako laguntzak (GLL)

Laguntza ekonomikoak: Gizarte-larrialdietarako laguntzak (GLL)

Diru laguntzak emango zaizkie ohiko nahiz ezohiko gastu zehatz batzuei aurre egiteko adina baliabiderik ez duten pertsonei, gizarte bazterketako egoerak saihesteko.
Diru laguntzak gastu hauek estaltzeko emango dira:
  • etxebizitzaz gozatzeko eta hura mantentzeko gastuak (alokairua, hipoteka, argindarra, etab.).
  • oinarrizko beharrak (gastu mediko ez-sanitarioak).
  • aurrekoekin lotutako zorrak.

Norentzat

Donostian erroldatuta egotea18 urte baino gehiago izatea edo adingabe emantzipatua izateaNahikoa baliabide ekonomiko ez edukitzea
  • Euskal Autonomia Erkidegoko edozein udalerritan erroldatuta dauden eta benetan udalerri horretan bizi direnek, gutxienez eskaera egin aurreko 6 hilabeteetan. Hori frogatzen duten agiriak aurkeztu behar dira.
  • Eskabidea aurkeztu baino urtebete lehenagotik behintzat bizikidetza unitatea osatzen dutenek.
  • Baldintzak betetzen dituzten eta urtarrilaren 18ko 4/2011 Dekretuaren 5. artikuluan jasotako salbuespen egoeratan dauden pertsonek.
  • Eskatzaileak behar adina baliabiderik ez duela joko da urtarrilaren 18ko 4/2011 Dekretuaren 13. artikuluan jasotako baldintzak betetzen badira.

Noiz eskatu

Urte osoan zehar

Beharrezko agiriak

  • Eskatzailearen eta haren bizikidetza unitate independentearen egoera pertsonal eta/edo familiarraren egiaztagiriak: NAN, familia liburua, izatezko bikoteen erregistroko agiria, banantze edo dibortzio epaia....
  • Bizileku eta/edo ostatuari buruzko ziurtagiriak: alokairuaren kontratua, ostatuarena, harrera-etxe batean bizi delako egiaztagiria, jabetzako eskriturak...
  • Egoera ekonomikoari buruzko ziurtagiriak (diru sarrerak eta ondasunak): nominak, errenta aitorpena, pentsioen ziurtagiria, erakundeek emandako laguntzen ziurtagiria, kontuetako saldoak eta mugimenduak, ondasunen ziurtagiria….
  • Eskatzen den laguntzarekin lotutako agiriak: alokairuaren ordainagiriak, hipotekaren ordainagiriak, gastuak (argindarra, gasa, ura, zaborra), diruz laguntzeko eskatzen den gauzaren aurrekontua...
  • Hala badagokio, baldintzak betetzen direla egiaztatzeko Administrazioak eska ditzakeen gainerako agiriak.
  • Eskatzaileak bere eskaera justifikatzeko egokitzat hartzen dituen gainerako agiriak.

Oharra: Izapide honetan zehaztutako inprimaki espezifikoa erabiltzea derrigorrezkoa da.

Eranskinen gehienezko tamaina: 10 Mb

Ebazteko epea eta isiltasunaren zentzua

Aurreikusitako epea: 2 hilabete

Legezko epea: 2 hilabete

Isiltasunaren zentzua: Aurkakoa

*Urtearen hasieran, urtarriletik apirilera bitartean. Izapideak 4 hilabete inguru atzera daitezke.
*Alokairuarekin, hipotekarekin eta etxebizitzarekin lotutako gainerako gastuei dagokienez, eskabidea erregistratu den hilabetetik aitortuko da eskubidea.

Prozeduraren urratsak

  1. Gizarte Zerbitzuetan ordua eskatu.
  2. Gizarte Langilearekin elkarrizketa, beharrak aztertzeko.
  3. Baldintzak betetzen direla egiaztatu.
  4. Eskabidea eta dokumentazioa erregistratu.
  5. Gizarte Langileak kasua aztertu eta diru laguntzaren zenbatekoari buruzko txosten-proposamena egin.
  6. Diru laguntza emateko edo ukatzeko erabakia hartu.
  7. Interesdunari erabakia jakinarazi.
  8. Diru laguntza ordaindu (behin bakarrik edo aldizka).
  9. Eskatzaileak gastatutako dirua justifikatu, hala badagokio.

Izapideen arduraduna

Departamentua: Gizarte Ekintzaren Zuzendaritza

Araudia

12/2008 Legea, abenduaren 5ekoa, Gizarte Zerbitzuei buruzkoa

4/2011 Dekretua, urtarrilaren 18koa, Gizarte Larrialdietarako Laguntzei buruzkoa

14/2022 Legea, abenduaren 22koa, Inklusiorako eta Diru-sarrerak Bermatzeko Euskal Sistemarena.

  • Eusko Jaurlaritzak urtero argitaratzen duen agindua. Horren bidez ezartzen da zein diren GLLetako gastu espezifiko bakoitzeko gehienez eman daitezkeen diru zenbatekoak eta laguntza horietara bideratutako kredituak banatzeko irizpideak; horrez gain, EAEko lurralde historiko eta udal bakoitzarentzat aurrekontuan ezarritako gehieneko zenbatekoak finkatzen dira.

Bestelako informazioa

  • Onuradunak gastuen fakturak edo ordainagiriak aurkeztu behar ditu seihileko bakoitzaren amaieran; hau da, uztailean (urtarriletik ekainera bitarteko gastuak) eta urtarrilean (aurreko urteko uztailetik abendura bitarteko gastuak).
  • Gastuen ordainagirietan hau azaldu behar da: agiria egin duen pertsona fisiko edo juridikoa identifikatzeko oinarrizko datuak­, IFZ edo NAN barne, gastuaren azalpena eta dagokion zenbatekoa.
  • Gizarte Larrialdietarako Laguntzak uneko urtean ematen dira. Abenduaren 31n amaitzen dira, beraz, eta urtarrilaren 2tik aurrera beste eskaera bat egin behar da.

Tratamenduaren arduraduna

Identitatea: Donostiako Udala - IFK P2007400A

Helbidea: Ijentea, 1 - 20003 Donostia

Telefonoa: 010 / 943 481 000

Emaila: udalinfo@donostia.eus

Datuen Babesaren Ordezkaria: Donostiako Udaleko Datu Babeserako Ordezkaria

Tratamenduaren xedea

Gizarte-zerbitzuak diagnostikatzeko eta emateko beharrezkoa den informazio pertsonala, familiakoa eta soziala kudeatzea, etxebizitza babestuak eta larrialdikoak, laguntzak eta zentroak barne. Genero-politikak kanpo uzten dira, GENERO-POLITIKA tratatzeko jarduerari dagozkiolako

Gordetzeko epeak

Bulegoko artxiboaren erabateko ezabatzea 5 urte. Donostiako Udaleko Gobernu Batzarrak hartutako akordioetan jasotzen diren laguntzen zerrendak kontserbatu. 036 Kodea (gizarte-larrialdietarako laguntzen espedientea). Herri Administrazioko Dokumentazioaren Baloraziorako, Aukeraketarako eta Dokumentaziora Jotzeko Batzordeak (COVASED, 232/2000 Dekretua, azaroaren 21ekoa, Artxibo Zerbitzuetako Araudia eta EAEko Dokumentazio Ondarea erregulatzeko arauak onartzen dituena) onartu dituen dokumentuetako ebaluazioen taulen proposamena.

Legitimazioa

Botere publikoaren egikaritza DBEOren 6.1.e) art.: - 12/2008 Legea, abenduaren 5ekoa, Gizarte Zerbitzuei buruzkoa. - 14/2022 Legea, abenduaren 22koa, Inklusiorako eta Diru-sarrerak Bermatzeko Euskal Sistemarena. - 4/2011 Dekretua, urtarrilaren 18koa, Gizarte Larrialdietarako Laguntzei buruzkoa. - 39/2006 Legea, abenduaren 14koa, Autonomia Pertsonala Sustatzeari eta Mendekotasun-egoeran dauden Pertsonak Zaintzeari buruzkoa.

Hartzaileak

Legeak ezarritakoak eta tratamendu honen esparruan aplikagarri direnak.

Eskubideak

Interesdunek eskubidea dute Donostiako Udala haien datu pertsonalak tratatzen ari den ala ez dioen baieztapena jasotzeko. Bestalde, hurrengo eskubideak ere badituzte:

  • Haien datu pertsonaletara sarbide izateko.
  • Okerrak diren edo osatugabe dauden datuen zuzenketa eskatzeko.
  • Ezabatzea eskatzeko eskubidea, datuak jaso ziren beharrizanetarako jada beharrezkoak ez direnean
  • Datuen tratamendua mugatzea. Kasu horretan, Udalak erreklamazioen aurrean defendatzeko edo haiek egikaritzeko gordeko ditu soilik.
  • Datuen tratamenduaren aurka egitea. Kasu horretan, Udalak datuak tratatzeari utziko dio, salbu eta arrazoi legitimo larriak baldin badaude edo erreklamazio posibleen defentsa edo egikaritza badago.

Eskubide horiek Donostiako Udalaren aurrean, tratamenduaren Arduraduna denez, edo aukeran, tratamenduaren Eragilearen aurrean, egikaritu daitezke, modu on line edo presentzialean.

Eskubideen egikaritzan behar den arreta jaso ez baduzu, Datuen Babeserako Euskal Bulegoaren aurrean erreklamazioa jarri ahal izango duzu. Helbidea: Beato Tomás de Zumárraga, 71 3. solairua - 01008 Vitoria-Gasteiz. Hala ere, Udalaren datuen babesaren ordezkariarekin jarri zaitezke harremanetan, zure datuen tratamenduarekin erlazionatutako edozein afera dela eta.

Izapidearen egoera
Epe barruan
Presentziala
Dokumentuak

Irizpideak 2026

Zerikusia duten izapide nabarmenak
Laguntza ekonomikoak: Lan Partekatuaren Plana sustatzea
Izapideak egiteko laguntza