Ziurtagiri digitalak

Ziurtagiri digitalaren funtzio nagusia da edukitzailea autentifikatzea da, baina komunikazioak zifratzeko eta modu digitalean sinatzeko ere balio dezake. Administrazio publiko eta enpresa pribatu batzuetan, izapide jakin batzuk egiteko eskatzen dute, beren artean bereziki babestu beharreko informazioa trukatu behar badute.

Ziurtagiri horiek aukera ematen dute zerbitzu publiko ugaritara erraz eta azkar sartzeko, bai Udaleko zerbitzuetara, bai administrazio zentralekoetara, bai Eusko Jaurlaritzako, bai Aldundiko, bai eta Internet bidezko kudeaketa-mota hau erabiltzen hasita dauden beste erakundeetako zerbitzuetara ere.

Ziurtagiri horiek hainbat txarteletan aurkituko dituzu (NAN elektronikoan, Izenperen txarteletan,...) baita hodeiko ziurtagirietan ere (B@K eta B@KQ).

Betekizunak ondo funtzionatu dezan

Ziurtagiri Digitala edukitzea (normalean, txartel batean egoten da). Bi motatakoak daude:

Txartela

• Txartel-irakurgailua. Ordenagailu baten USB ataka batera konektatu ahal duzun gailu bat da. Eramangarri batzuek berekin ekartzen dute irakurgailu hori.
• Ziurtagiria irakurtzeko softwarea. Erabiliko dituzun programek zure ziurtagirian grabatutako informazio pertsonala atera dezaten, software espezifiko bat eduki behar duzu.
  • Izenpek egindako txartela baldin bada (herritar txartel berdea), kit izenekoa behera kargatu behar duzu: Ziurtagiria abian jartzea.
  • NAN elektronikoa erabiltzen ari bazara, Barne Ministerioak zure eskura jartzen dituen jarraitu beharreko instrukzioak aurkitu ditzazkezu

Erabiltzailea, pasahitza eta itsasontzi-jokoa baliatzen dituen ziurtagiria

Mota horretako ziurtagiriak ez daude gailu fisiko batean kokatuta eta, hortaz, ez da txartel fisikorik behar. Ziurtagiri hau erabiltzeko, nahikoa duzu honakoak edukitzea: erabiltzailea, pasahitza eta Izenpek emandako itsasontzi-jokoa.