Donostiako hondartzetako bainu-denboraldia ekainaren 1ean hasi eta irailaren 30ean amaituko da. Epe horretan, Salbamendu eta Sorospen Zerbitzuak egongo dira aktibo.

Bainu-denboralditik kanpo edo Salbamendu eta Sorospen zerbitzuetarako ezarritako ordutegitik kanpo bainatu nahi duten pertsonek beren erantzukizunpean bainatuko dira, eta arreta berezia jarri beharko dute.

Gomendioak

Uretara sartu aurretik

• Kontsulta ezazu itsasoaren egoera: begiratu olatuak, korronteak eta mareak.
• Saihestu bakarrik bainatzea: beti da seguruagoa lagunduta joatea.
• Hondartzaren ezaugarriak ezagutu:
  • Zurriola → olatu eta korronte gogorragoak.
  • Kontxa → babestuagoa, baina baita marea aldaketekin ere.
  • Ondarreta → tartekoa, baina alboko korronteak izan ditzake.
• Egiaztatu marea: itsasgorarekin harea-espazio gutxiago eta sakonera azkarragoa dago.

Aurkitu arrisku potentzialak

• Itzulera-korronteak (erresaka) Itsaso barrura eraman zaitzakete.
• Ur-hausle bertikaleko olatuak ertzean: Oso arriskutsuak uretara sartzean edo uretatik irtetean.
• Marea-aldaketak: Sakontasuna eta korronteak azkar aldatzen dituzte.
• Itsas fauna: Marmokak, karabela portugesak edo mikroalgak > informa zaitez bainatu aurretik.

Noiz EZ bainatu

• Itsasoaren egoera txarra den edo segurtasunari buruzko zalantzak dauden.
• Alkohola, drogak edo janari oparoak kontsumitu ondoren.
• Ekaitzarekin, haize zakarrarekin edo eguraldiaren bat-bateko aldaketekin.
• Ezin baduzu argi eta garbi identifikatu eremu seguru bat.

Bainuan zehar

• Ez urrundu ertzetik.
• Ez zaitez buruz murgildu: Lesioak izateko arrisku handia dago, konprobatu beti sakonera.
• Mantendu zaitez arroketatik eta kai-muturretatik urrun.
• Arreta handiz ibili behar da uretan sartzerakoan eta irteterakoan.

Korronteak itsaso barrura eramaten bazaitu:

• Lasai egon eta ez egin igeri korrontearen kontra (agortu egingo zaizu). Utzi leku lasaiago batera eramaten.
• Paraleloan igeri egin edo itzultzeko olatuak dituzten eremuak bilatu. Erabili olatuak zure alde itsasertzera itzultzeko.
• Beharrezkoa bada: Ahoz gora flotatu du eta jaguntza eskatu  besoak altxatuz.

Uraren sarrera eta irteera

• Korrontearen indarra ebaluatu sartu aurretik.
• Kontuz ibili: Olatu gogorrak daude itsasertzean eta desnibelak aurkitu ditzakezu
• Honelako egoerak saihestu: Ondarreta eta Kontxa arteko pasabidea, itsasgorarekin edo olatuekin.

Autobabeserako neurriak

• Ez igeri egin distantzia luzeetan bakarrik.
• Ohiko gunetik haratago igeri egiten baduzu, egin zaitez ikusgai (txano deigarria edo buia) eta jakinarazi norbaiti baldintza ez hain seguruetan bainatuko zarela.

Gomendio orokorrak >

Unean uneko informazioa >

Zurriolako abisu bereziak >