1. Hasiera
  2. Izapideen katalogoa
  3. Hirigintza Planeamendua:Plan Partziala eta Plan Bereziak

Hirigintza Planeamendua:Plan Partziala eta Plan Bereziak

Plan Partziala
Plan orokorrak edo lurzoru urbanizagarriko dagokion sektorizatze planak mugatutako sektore baten antolamendu xehatua finkatzen du. Sektore baten azalera osoak lurzoru urbanizagarri sektorizatu gisa sailkatuta egon behar du, eta ezingo du etenik izan. Sektoreek egikaritze unitate bat edo gehiago izan dezakete, eta unitate horiek plan partzialean edo hirigintzako jarduketa programan egongo dira definituta.

Plan Berezia
Kasuan kasuan, lur mota batez edo gehiagoz osatutako udalerri oso baten edo haren zati baten antolamendua finkatzen du, edo bestela plangintza orokorrak definitutako esparru jakin batena edo area batena edo plan bereziak berak bere xedearekin bat etorriz zehaztua.

Hainbat mota daude:
  • Hiri Berrikuntzako Plan Berezia: aurreko antolamenduaren funtsezko egitura mantenduz eta hirigintza eraikigarritasuna aldatu gabe jarduketa zehatzak egiten dituzten antolamendu tresnak dira; jarduketa zehatz horiek izan daitezke, besteak beste, hiri lurzoruko kongestioa kentzea, zuzkidura publikoak eta ekipamendu kolektibo pribatuak sortzea, auzoak saneatzea, hiria bere onera ekartzea eta birgaitzea, barne erreforma egitea, mugigarritasun eta estetika arazoak konpontzea eta ingurumena eta zerbitzu publikoak hobetzea.
  • Babesteko eta Kontserbatzeko Plan Berezia: Babes- eta zaintza-plan berezien xedea da plan orokorretan jasota dagoen antolamendua osatzea, planen zehaztapenek xede dituzten elementu naturalak edota artifizialak babesteko arauen bidez. Beharrezkoa bada, plan orokorrean jaso gabeko beste babes-arau osagarririk ere zehaztu dezake plan bereziak.
  • Lurzoru urbanizaezineko Plan Berezia: lurzoru mota horrek berezkoa duen landa izaerakoak ez diren baina lurzoruarekin bateragarriak diren hirigintzako erabilerak ezartzea du helburu.
  • Hiri Antolamenduko Plan Berezia: plan orokorraren egiturazko antolamendua garatzeko helburua du; horretarako, plan orokorrak antolamendu hori atzeratzea baimentzen duen hiri lurzoruko guneetan antolamendu xehatua ezartzen du. Era berean, Hiri Antolamenduko Plan Berezia plan orokorreko dokumentazioan hiri lurzoruarentzat zehaztutako antolamendu xehatua aldatzeko erabil daiteke.

Norentzat

Interesdunak edo bera ordezkatzeko baimena duenak.

Beste pertsona bat baimen dezakezu tramite hau zure izenean egin dezan. Horretarako ordezkaritza baimen hau bete beharko duzu.

Ordezkaritza iraunkorragoa eman nahi baduzu, ordezkarien erregistroan egin dezakezu.

Noiz eskatu

Urte osoan zehar

Beharrezko agiriak

INGURUMEN-DOKUMENTAZIOA: HIRIGINTZAKO AGIRIAK:
    1. Informazio- eta justifikazio-memoria: Legez ezarritako edukiaz gain (jabetzaren justifikazioa edo haren adostasuna, interes publikoaren justifikazioa, araudira eta egitura-antolamendura egokitzea, ukitutako finken gaineko beste eskubide errealen jabe edo titular guztien nortasuna, hasi aurreko bost urteetan), genero-ebaluaziorako eta ebaluazio soziolinguistikorako behar diren agiriak erantsiko dira. (pdf 1).
    2. Informazio planoak. (pdf 1)
    3. Antolamendu planoak. (pdf 1)
    4. Hirigintzako araudia eta ordenantzak. GAOn argitaratzeko
    5. Bideragarritasun ekonomiko eta finantzarioaren azterlana, iraunkortasun ekonomikoaren memoria eta dokumentazio ekonomikoa
    6. Exekuzioa antolatu eta kudeatzeko jarraibideak. (pdf 1).
    7. Laburpen exekutiboa (1 pdf).
DOKUMENTAZIO BEKTORIALA:
Planoak CAD fitxategietan (dwg edo antzekoa), UTM ETRS89 koordenatu sistema, 30. zona.

JARRAIBIDE OROKORRAK, honako hauek betetzeko:
OHARRA: Dokumentazio guztia bi hizkuntza ofizialetan aurkeztu behar da (euskaraz eta gaztelaniaz)

Oharra: Izapide honetan zehaztutako formularioa erabiltzea derrigorrezkoa da.

Eranskinen gehienezko tamaina: 300 Mb

Prozeduraren urratsak

  1. Eskabidea eta dokumentuak erregistratzea.
  2. Zuzentzeko izapidea, beharra balego
  3. Ingurumen ebaluazio estrategiko sinplifikatuaren hasiera, Eusko Jaurlaritzan.
  4. Hirigintza txostenak: arkitektoa, ingeniaria, juridikoa, ekonomikoa, PSISZ
  5. Beste zuzendaritzen eta atalen txostenak, bidezkoa bada: Hiri Mantentze eta Zerbitzuak, Mugikortasuna, Sustapena, Ingurumena
  6. Beharrezkoa bada, txosten sektorialak eskatu eta eranstea: Telekomunikazioak, Ur Baliabideak, URA, Itsasertzak, Gipuzkoako Foru Aldundiko Bide Azpiegiturak, ADIF, ETS, Añarbeko Ura, Hegazkintza Zibila…
  7. Tokiko Gobernu Batzordearen erabakia, hasierako onespenarekin, eta egonez gero, baldintzak jarrita. Ingurumen organoak ingurumen txosten estrategikoa egin eta hura jaso aurretik egin ahal izango da, baina aipatutako ingurumen txosten estrategikotik ondorioztatzen denak baldintzatuta.
  8. Iragarkia argitaratzea GAOn, zabalkunde handieneko egunkarian (edo egunkarietan) eta egoitza elektronikoan, alegazioak aurkezteko 20 egun baliodun emanda.
  9. Alegaziorik egonez gero, agiria idatzi duen taldearen txostena.
  10. Hirigintzak alegazioen eta behin betiko onespenaren gainean eginiko txostenak.
  11. Beharrezkoak izanez gero, txosten sektorialak
  12. Soilik lurzoru urbanizaezineko Plan Berezia izanez gero:
    • Euskadiko Lurralde Antolaketarako Batzordearen irizpena (Eusko Jaurlaritza)
    • Gipuzkoako Foru Aldundiaren interes publikoaren adierazpena
  13. Udalbatzak behin betiko onartzea (ingurumen txosten estrategikoak egon beharko du).
  14. Erabakia interesdunei jakinarazi eta Gipuzkoako Aldizkari Ofizialean eta egoitza elektronikoan argitaratzea.

Izapideen arduraduna

Departamentua: Hirigintza Sostengagarriko Zuzendaritza

Araudia

7/2015 Legegintzako Errege Dekretua, urriaren 30ekoa, Lurzoruaren eta Hiri Erreabilitazioaren Legearen testu bategina onartzen duena

2/2006 Legea, ekainaren 30ekoa, lurzoruari eta hirigintzari buruzkoa

105/2008 Dekretua, ekainaren 3koa, Lurzoruari eta Hirigintzari buruzko ekainaren 30eko 2/2006 Legea garatzen duten premiazko neurriei buruzkoa

123/2012 Dekretua, uztailaren 3koa, hirigintzako estandarrei buruzkoa

7/1985 Legea, Toki-araubidearen oinarriak arautzen dituena (testu finkatua eta ondorengo aldaketak)

Martxoaren 24ko 46/2020 Dekretuaren 31. eta 32. artikuluak, lurralde-antolamenduko planak eta hirigintza-antolamenduko tresnak onartzeko prozedurak arautzen dituena.

Donostiako Hiria Antolatzeko Plan Orokorra

21/2013 Legea, abenduaren 9koa, ingurumen ebaluazioari buruzkoa

Bestelako informazioa

*Monumentu multzoen eta higiezin kalifikatuen birgaitzeko plan bereziak eta babesteko eta kontserbatzeko plan bereziak, behin hasierako onespena jasota, gehienez ere hilabeteko epean igorriko den Eusko Jaurlaritzako Kultura Saileko txostenaren esku utzi beharko dira.
*Informazio publikoko epean egindako alegazioak ikusirik aldaketak oinarrizkoak izango balira, planaren beste testu bategin bat idatziko da, berriz ere hasierako onespena jaso beharko duena, eta informazio publikoko beste epe bat irekiko da.

Tratamenduaren arduraduna

Identitatea: Donostiako Udala - IFK P2007400A

Helbidea: Ijentea, 1 - 20003 Donostia

Telefonoa: 010 / 943 481 000

Emaila: udalinfo@donostia.eus

Datuen Babesaren Ordezkaria: Donostiako Udaleko Datu Babeserako Ordezkaria

Tratamenduaren xedea

Udalak hirigintzaren arloan egindako prozedurak eta jarduerak kudeatzea eta kontrolatzea, plangintza, kudeaketa, hirigintza-legezkotasuna berrezartzea, hirigintza-desjabetzeak eta udalaren eskumeneko gainerako gaiak barne. Alde batera uzten dira jarduera horien xede izan daitezkeen lizentziak edo baimenak, UDAL LIZENTZIAK ETA BAIMENAK, eta, hala badagokio, hasitako zehapen-prozedurak, jarduerari dagozkiolako ZEHAPEN-PROZEDUREN tratamendua.

Gordetzeko epeak

Bulegoko artxibotik erabateko ezabatzea 5 urtetan.

Legitimazioa

DBEOren 6.1.e) artikulua, interes publikoa edo esleitutako botere publikoen egikaritza: -Apirilaren 7ko 2/2016 Legearen, Euskadiko Toki Erakundeei buruzkoa, 17.1.9 artikulua. -Apirilaren 2ko 7/1985 Legearen, Toki-araubideen oinarriak arautzen dituena, 25.2.a) artikulua. - 7/2015 Legegintzako Errege Dekretua, Urriaren 30Ekoa, Lurzoruaren Eta Hiri Erreabilitazioaren Legearen Testu Bategina Onartzen Duena. - 21/2003 Legea, Abenduaren 9koa, Ingurune Ebaluazioakoa. -Establezimendu Publikoak eta atseden jarduerak kokatzeko Udal Ordenantza. -Ordenantza, eragozpenak sortzen, osasungarritasun edo higiene baldintzak aldatzen edo pertsonei zein gauzei arriskuak sortzen diezkieten jardueretatik herritarrak babesteko Udalak nola jokatu behar duen arautzekoa. -Eraikuntzako Ordenantza Osagarriak. -Ordenantza, Telekomunikazio sareetako instalazio irrati elektrikoak arautzekoa. -Soinu eta zarataren kutsadura dela eta Udalak hartuko duen jarrera arautzen duen Ordenantza. - Donostiako Bizitegi Eraikinetako Etxe­Bizitzetarako Irisgarritasuna Sustatzeko Udal Ordenantza - 2/2006 Legea, Ekainaren 30Ekoa, Lurzoruari Eta Hirigintzari Buruzkoa - 1954ko abenduaren 16ko Nahitaezko Desjabetze Legea. - 1957ko apirilaren 26ko Nahitaezko Desjabetze Legearen Erregelamendua.

Hartzaileak

Legeak ezarritakoak eta tratamendu honen esparruan aplikagarri direnak.

Eskubideak

Interesdunek eskubidea dute Donostiako Udala haien datu pertsonalak tratatzen ari den ala ez dioen baieztapena jasotzeko. Bestalde, hurrengo eskubideak ere badituzte:

  • Haien datu pertsonaletara sarbide izateko.
  • Okerrak diren edo osatugabe dauden datuen zuzenketa eskatzeko.
  • Ezabatzea eskatzeko eskubidea, datuak jaso ziren beharrizanetarako jada beharrezkoak ez direnean
  • Datuen tratamendua mugatzea. Kasu horretan, Udalak erreklamazioen aurrean defendatzeko edo haiek egikaritzeko gordeko ditu soilik.
  • Datuen tratamenduaren aurka egitea. Kasu horretan, Udalak datuak tratatzeari utziko dio, salbu eta arrazoi legitimo larriak baldin badaude edo erreklamazio posibleen defentsa edo egikaritza badago.

Eskubide horiek Donostiako Udalaren aurrean, tratamenduaren Arduraduna denez, edo aukeran, tratamenduaren Eragilearen aurrean, egikaritu daitezke, modu on line edo presentzialean.

Eskubideen egikaritzan behar den arreta jaso ez baduzu, Datuen Babeserako Euskal Bulegoaren aurrean erreklamazioa jarri ahal izango duzu. Helbidea: Beato Tomás de Zumárraga, 71 3. solairua - 01008 Vitoria-Gasteiz. Hala ere, Udalaren datuen babesaren ordezkariarekin jarri zaitezke harremanetan, zure datuen tratamenduarekin erlazionatutako edozein afera dela eta.

Izapidearen egoera
Epe barruan
Telematikoa

Tramitea hasi

Dokumentuak

Eskabidea

Informazioa

Izapideak egiteko laguntza