PaseARTE

Ezagutu Donostia bertako kale, eskultura eta istorioen bidez. Ikasi zer diren giza eskubideak eta zergatik diren garrantzitsuak gizarte bidezkoago eta berdinzaleago batean bizitzeko.

PaseARTE Donostiako hainbat leku eta eskultura ezagutzeko bisita gidatua da. Ibilbidean, hiriaren historia ezagutuko dugu eta giza eskubideei buruz hausnartuko dugu.

Lehen Hezkuntzako 5. eta 6. mailako ikasleei zuzenduta dago, eta doakoa da.

Ibilbidean bakearekin, askatasunarekin, berdintasunarekin, memoriarekin eta pertsonen eskubideekin lotutako leku eta monumentuak bisitatuko ditugu.

PaseARTE 2023an sortu zen, Giza Eskubideen Adierazpen Unibertsalaren 75. urteurrena ospatzeko.

opari.

Zer leku bisitatuko ditugu?

Ibilbidean Donostiako zazpi leku ezagutuko ditugu, eta bakoitzaren atzean dagoen historia aztertuko dugu.

  • Bretxako plaza: 1813ko setioan hiriak bizi izan zuena eta herritarren eskubideen urraketak ezagutuko ditugu.
  • Abuztuaren 31 kalea: hiria suntsitu ondoren donostiarrek berreraikitzeko egindako ahalegina ezagutuko dugu.
  • Santa Maria basilika: pentsamendu-, kontzientzia-, erlijio- eta sexu-orientaziorako askatasunari buruz hitz egingo dugu.
  • DUAL eskultura: Gerra Zibileko eta frankismoko biktimak gogoratuko ditugu, eta gerren ondorioei buruz hausnartuko dugu.
  • Oroimena-Memoria monolitoa: terrorismoaren eta indarkeriaren biktimak gogoratzearen garrantziaz eta bizitzeko eskubideaz hitz egingo dugu.
  • Artzain Onaren katedrala: Armeniako Jachkar eskulturaren historia ezagutuko dugu, eta erbesteari eta etxea utzi behar duten pertsonei buruz hitz egingo dugu.
  • Clara Campoamorren eskultura: berdintasunaren eta emakumeen eskubideen alde egindako lana ezagutuko dugu.

Bisita gidatuei buruzko informazioa

  • Nori zuzenduta: Lehen Hezkuntzako 5. eta 6. mailako ikasleei.
  • Prezioa: doakoa.
  • Iraupena: ordu bat eta 30 minutu.
  • Hizkuntzak: euskara eta gaztelania.
  • Taldeen tamaina: 25 pertsona inguru.
  • Irisgarritasuna: arkitektura-oztoporik gabeko ibilbidea.

Nola erreserbatu PaseARTE bisita?

Eskola-bisita antolatu nahi baduzu edo PaseARTEri buruzko informazio gehiago behar baduzu, jarri gurekin harremanetan:

Ezagutu PaseARTE

Ezagutu ekimen hau eta Donostian egiten duen ibilbidea bideo honen bidez

Lotutako zerbitzua

Berdintasuna, Giza Eskubideak eta Bizikidetza

Hau ere interesatuko zaizu agian
Kontaktua

Bakearen eta Giza Eskubideen Etxea

Aiete Jauregia. Aiete pasealekua, 65, 20009

943 481 975