Donostia Kulturako ikastaroetan matrikulatzeko epea irailaren 7an hasiko da
Liburuxkak eskuragarri egongo dira irailaren 1etik kultur etxeetan
2026/08/31 argitaratua
Donostia Kulturak 2026-2027 ikasturterako 623 ikastaro (591 helduentzat eta 32 haur eta gazteentzat) eskainiko ditu.
Ikastaro guztien informazioa:
- Donostia Kulturako webgunean dago
- eskaintza pdf formatuan> ere kontsulta daiteke
Kultur etxeetan paperean izango da irailaren 1etik aurrera.
Matrikulazioa
Matrikulazioa bi fasetan izango da:
- euskarazko ikastaroen matrikulazioa irailaren 7an 16:00etan hasiko da
- gaztelaniazko ikastaroen matrikulazioa irailaren 16tik 27ra
Webgunean eta kultur etxetan eman ahalko da izena
Euskarazko ikastaroak
- 2026ko irailaren 7tik 13ra. Matrikulazioa 7an hasiko da, 16:00etatik aurrera.
- urte osoko ikastaroetan zein lauhilekoetan eman ahalko da izena. Euskarazko lauhileko ikastaro gehienak ikasturteko lehen lauhilekoan izango dira.
- euskarazko ikastaroetan taldea osatzen ez bada, izena eman dutenei irailaren 14 edo 15ean jakinaraziko zaie e-mail edo SMS bidez. Era horretan, nahi izanez gero, gaztelerazko ikastaroetan izena emateko aukera izan dezaten.
- gutxieneko ikasle kopurua lortu duten baina bete ez diren euskarazko ikastaroetan izena emateko aukerak zabalik jarraituko du irailaren 16tik aurrera.
Gaztelaniazko ikastaroak
- 2026ko irailaren 16an hasiko da matrikulazioa, 16:00etatik aurrera, eta irailaren 27an bukatuko da.
- bigarren lauhileko ikastaroetan (2027ko otsailetik ekainera) matrikulazio epea 2027ko urtarrilaren 31n bukatuko da.
