Martxoaren 1ean 6.500 emakumek berdintasunaren aldeko lasterketa egingo dute LILATONen 36. edizioan

2026-02-25

LILATONek 36. edizioa ospatuko du martxoaren 1ean, eta hiriko kirol eta gizarte hitzordu garrantzitsuenetako bat izango da. Oraingoan, 6.500 emakumek parte hartuko dute Donostiako Atletiko Klubak antolatutako 5 kilometroko lasterketa herrikoi honetan.

Lehiaketaz haratago, LILATON topaketarako eta parte hartzeko gune segurua da, non adin guztietako emakumeek helburu bera duten: kirolaz gozatzea, komunitate bateko kide sentitzea eta Donostiako kaleetatik berdintasuna aldarrikatzea.

Jardunaldia 9: 30ean hasiko da, ohiko zumba beroketa kolektiboarekin. 9: 55ean, irteera handbike modalitatean izango da, eta, 10:00etan, lasterkarien irteera orokorra.

Ibilbidean zehar hainbat animazio eta musika gune egongo dira parte hartzaileei laguntzeko, baita batukada eta trikitilariak ere, festa giroa eta parte hartzea indartzeko.

 Konpromiso solidarioa

Edizio honetan, dortsal bakoitzaren ohiko “euro solidarioa” ACABE Gipuzkoara bideratuko da, lurraldean elikadura jokabidearen nahasmenduak dituzten pertsonei eta haien familiei laguntza eta babesa ematen dien erakundera.

 Parte-hartzaileentzako zerbitzuak

Lasterketaren egun berean kontsigna zerbitzua egongo da Gipuzkoa plazan, 09:00etatik 12:00etara, eta, probaren ondoren, parte hartzaileek Kontxako hondartzako kabinetako dutxak erabili ahal izango dituzte.

Sari banaketa Alderdi Ederren egingo da 11:00etan, eta bertan kategoria bakoitzeko lehen hiru sailkatuak sarituko dira (Junior, Absola eta Beteranoak), baita hiru talde ugarienak ere. Ekitaldiaren ondoren, “Lilapote” tradizionalaz (pintxoa eta edaria) gozatu ahal izango da Alde Zaharreko hainbat tabernatan.

Kamisetak jasotzea

Kamiseta ofizialak otsailaren 27an eta 28an jaso ahal izango dira aukeratutako establezimenduetan, ohiko ordutegian.

Donostiako Emakumeen Etxean, ordutegia 10:00etatik 14:00etara eta 16:00etatik 19:00etara izango da.

Eibarko Andretxean, bilketa otsailaren 26an eta 27an izango da, 9: 00etatik 13:00etara eta 16:30etik 19:30era.

Sei mila bostehun lagunek izena emanda, LILATONen 36. edizioak emakumeen parte-hartzearen, kirolaren eta konpromiso sozialaren erreferente bihurtuko du Donostia.