Carmelo Balda Udal Pilotalekua gizonezkoen Zestako Grand Slam txapelketaren eta emakumezkoen Master Serieen edizio berri baten egoitza bakarra izango da, maiatzaren 3tik, larunbata, maiatzaren 31n jokatuko diren finaletara arte.

Matt Langhans estatubatuarra, Douglas, Tania Mayorga txapeldun mexikarra eta Gisela Uclés kataluniarra dira Donostiako Zesta Puntako Grand Slam honetako nobedade deigarrienetako batzuk.

Gizonezkoen txapelketan, final-laurdenetako ligaxkako hiru jardunaldi jokatuko dira: Goitia-Salegi, Erik-Bailo, Txanika-Oierdi (A multzoa), Douglas-Oyhenard, Arbe-Atain eta Arrasate-Laborde (B multzoa). Finalerdiak maiatzaren 24an izango dira eta final handia maiatzaren 31n. Jaialdi guztiak 18:00etan hasiko dira.

Master Seriesean Lur eta Arai Lejardi ahizpa markinarrak, Tania-Gisela, Erika-Alize eta Xana-Oihana lehiatuko dira fase erregular batean, non bi onenek maiatzaren 31ko final handia jokatuko duten.

 Sarrerak salgai