Larunbat honetan, urtarrilak 24, Gipuzkoako Igeriketa Egokituko Open Txapelketa ospatuko da, Bidebietako Udal Igerilekuan.

2026-01-22

Gipuzkoako Igeriketa Egokituko Open Txapelketa Donostiako Bidebieta Udal Igerilekuan jokatuko da, larunbatean, urtarrilak 24, 10:00etatik aurrera, eta Gipuzkoa eta Bizkaiko 46 kirolarik hartuko dute parte, Gaude, Haszten, Izarraitz eta Konporta klubetakoak.

Edizio honetan, emakumezko parte-hartzaileen kopuruak gora egin du, eta, gainera, ikusmen-desgaitasunaren kategoria berreskuratu da, modalitate horretako bi kirolari gehitu baitzaizkio lehiaketari.

Lehiaketa hau Gipuzkoako igeriketa egokituko ekitaldien egutegiaren barruan kokatzen da, kirol praktika sustatzeko, kirol egokitua ikusarazteko eta aukera berdintasuna, inklusioa eta gainditze pertsonala bezalako balioak sustatzeko helburuarekin.