Itxita daude Belodromoa eta Miniestadioa, igande honetako enbatak eragindako kalteen ondorioz

2022-05-16

Beste instalazio batzuk ere kaltetu dira, Yoldiko pistak edo Bidebietako ikastaro-aretoa kasu.

Atzo Donostian izandako ekaitzak gorabehera batzuk eragin ditu udal kirol instalazioetan. Antonio Elorza belodromoa eta Miniestadioa izan dira instalaziorik kaltetuenak eta orain itxita daude. Ur-zaparradak eta kazkabarrak belodromoko gimnasio eta ikastaroei eta Miniestadioko gimnasioari eragin zien bereziki. Atletismoko pistek ez zuten eraginik izan, baina urak bete zuen sarrerako tunela, eta pista horiek urez betetzeko 50 cm-ra baino ez zen geratu. Goizeko ikastaroak Yoldira lekualdatzen ari dira, eta arratsaldekoak bertan behera geratuko dira, gutxienez, gaur, kalteak ebaluatu eta kirol-gune horiek garbitu bitartean.

Yoldi Kiroldegiko pistak ere kaltetu zituen ur-sarrerak, baina garbitzen eta lehortzen ari dira une honetan, eta gaur goizean bertan irekitzea aurreikusten da.

Bidebieta Kiroldegiko ikastaro-gelan ere gorabeherak izan dira, eta garbiketa egiten ari dira. Hori dela eta, goizeko ikastaroak pistetara eraman dira. Azkenik, Intxaurrondon ere eragina izan dute jarduera-aretoek, eta horrek gorabeheraren bat sortuko du ikastaroetan.