Donostiako Maratoi Erdiak 25 urte beteko ditu igande honetan, apirilak 12, egingo den lasterketarekin

2026-04-08

Gaur goizean aurkeztu da Donostiako Udaletxean apirilaren 12an, igandean, egingo den Donostiako maratoi erdiaren 25. edizioa

Aurten ere, Donostiako Boulevardean izango da lasterketa ezagun honen irteera eta helmuga, bi distantzia egiteko aukera ematen duena: Maratoi Erdia 21,097km eta 10 kilometroko lasterketa bat. Donostiako kale nagusiak zeharkatzen dituen zirkuitua parte-hartzailearentzat azkarrenetako eta erakargarrienetako bat da, aldizkari espezializatu nagusien arabera. Kronometroa hausteko edo lasai hartzeko eta ikuspegi ikusgarriez gozatzeko agertoki aproposa Kirol eta turismo ekitaldia, Gipuzkoatik kanpoko % 65etik gorako partaidetzarekin. Frantziako parte-hartzea nabarmentzen da, 1.254 parte-hartzailek eman baitute izena

Izen emateek marka hautsi dute berriro, 7.250 parte hartzailek eman baitute izena. Emakumeen parte-hartzeak gora egiten jarraitzen du, eta inskripzio guztien % 45eraino iristen da. Bereziki nabarmentzekoa da emakumeek 10k lasterketan izan duten parte-hartzearen bilakaera, parte hartu duten emakumeen ehunekoa guztizkoaren % 58 baino handiagoa baita.

25. urteurren honetan, antolatzaileek omenaldia egin nahi diote Asier Cuevasi, 2001ean lehen edizioa irabazi zuenari, ez bakarrik garaipen harengatik, baita Gipuzkoako atletismoarekin lotutako ibilbide eredugarriagatik ere. Bere historia, zentzu askotan, karrera honen historia ere bada.