Donostia izango da emakumezkoen eskubaloiko 45. erreginaren koparen egoitza 2024ko maiatzaren 10etik 12ra

2023-12-22

Donostiak Eskubaloiko Erreginaren Koparen azken fasea hartuko du, kasu honetan XLV edizioarena, maiatzaren 10, 11 eta 12an. Illunbe izango da berriro eszenatokia, zortzi talde onenek parte hartuko baitute ekitaldi honetan, emakumeak kirolean duen lidergoari bultzada emateko eta 2022ko edizioko esperientzia gainditzeko erronkei aurre egiteko.

Joan den asteartean egindako aurkezpenean parte hartu dute Donostiako Udaleko Kirol zinegotzi Iñaki Gabarainek, Kultura eta Kiroletako foru diputatu Goizane Álvarez Irijoak, Bera Bera super amarako arduradun Tati Garmendiak eta Gautenako presidente Patxi Agirrek.

Kopako irudia eta leloa

Egindako kitaldian, 2024 Kopako irudia aurkeztu da. Bertan, emakume batzuek besarkada kolektibo bat partekatzen dute baloi baten irudia sortuz. Irudi horrekin batera lelo hau egongo da: Koparen grina emakumeek egina/Inspiramos el cambio.

Iñaki Gabarain Donostiako Udaleko Kirol zinegotziak adierazi du Donostia, zalantzarik gabe, Kirolaren Hiria dela. Hala egiaztatzen dute Donostia, Gipuzkoa osoa bezala, kirol-jardueraren abangoardian kokatzen duten adierazle askok, bai herritarrek, bai federatuek. Gure kirol-ekosistema izugarri aberatsa da, oinarritik elitera, eta bertan emakumeen kirolaren indarra nabarmendu behar da bereziki.

Horren erakusgarri dira hiriak dituen maila goreneko taldeak: IDK Euskotren, Real Sociedad de Hockey y fútbol, Arraun Lagunak eta Kaiarriba traineruak, Curling eta Izotz Hockeyko taldeak, Realeko atletismo taldea eta Bera Bera Eskubaloi Taldea, besteak beste.

Hain zuzen ere, azken hori, Erregina Kopako anfitrioia, Donostiaren marka horren enbaxadore onenetakoa da, kirolaren hiria den aldetik, eta, bereziki, emakumezkoena.

Kopak hiri kirolari emanda aurkituko du maiatzean, kirol lehiaketa handi batez gozatzeko, eta Donostia kirolaren hiri gisa egiaztatzen jarraituko du, gainera, gizartea eraldatzeko tresna gisa ulertzen eta bultzatzen baitu, Gabarainek azaldu duenez.

Abonuen salmenta

Antolatzaileek webgunea jarri dute martxan abonuak prezio herrikoian saltzeko: hiru egunetan 39 euro balioko dute helduek, eta gazteenek (6-14 urte), berriz, 22 euro. Ordainketa urtarrilaren 7a baino lehen eskuratzen bada, % 10eko deskontua izango dute. Pistako harmailetan 55 euro ordainduko dira. Antolatzaileek % 20ko deskontua ere eskainiko diete abonamenduetan honako helbide elektroniko honen bidez zuzendu beharko diren klubetako taldeei: info@copadelareina2024.com. (deskontuak ez dira metatzen).

• ABONUEN SALMENTA
• INFORMAZIO GEHIAGO