Abenduaren 7an, igandea, 17:15etik aurrera, Donostiako Atano III.a frontoian jokatuko da Binakako Txapelketako hirugarren jardunaldiko partidarik interesgarrienetako bat.

Donostiako pilotaleku historikoak Baiko Laso – Albisu eta Larrazabal – Mariezkurrena bikoteen arteko norgehiagoka jasoko du. Laso nafarra eta Albisu ataundarra, Jaka eta Iztuetari gailendu zaizkie Lizarran 6 eta 22, eta sailkapeneko bigarren postuan daude. Bestalde, Larrazabalek eta Mariezkurrenak Artola eta Imazen aurka galdu zuten Oiartzunen jokatu zuten azken partidan, eta gaur egun taularen behealdean daude.

Partida nagusi honen aurretik, B Serieko partida jokatuko da, non lau gipuzkoar pilotari lehiatuko diren: Zubizarreta III – Aranguren Senar – Ugartemendiaren aurka.

Jendetza espero da berriro Atano III.ean, abenduaren 20an txapelketa honetako beste partida bat hartuko duena.

 Sarrerak salgai