Dibertsitate funtzionala daukaten pertsonentzako aparkalekuen mapa denbora errealean

Hiriak sistema berritzaile bat dauka, dibertsitate funtzionala duten pertsonek aparkatzeko modua eraldatzen duena. Sistema honek desgaitasuna duten pertsonentzako erreserbatutako aparkalekuen okupazioa denbora errealean kontsultatzeko aukera ematen du, aparkaleku egokitua errazago aurkitzeko informazio garrantzitsua eskainiz.

Ikuspegi aitzindari batekin, ekimen honen helburua espazio horien beharra dutenen mugikortasuna hobetzea da, eta aldi berean, hiri-ingurunean inklusioa eta irisgarritasuna sustatzea.

Bereizgarria (MM bineta): Mugikortasun murriztua duten eta Donostian erroldatuta dauden pertsonek, beren ibilgailuaren ohiko gidariak badira, aparkatze-bereizgarri bat eskatu dezakete. Horrek aukera ematen die bai araututako aparkaleku-guneetan bai kolektibo horrentzat erreserbatutako plazetan aparkatzeko.