Donostiako Udalak, Hiri Mantentze eta Zerbitzuetako Sailaren bitartez, hiriko bi eremutako irisgarritasuna eta bide-segurtasuna hobetzeko lanak amaitu ditu. Hain zuzen ere, Urdaneta eta Urbieta kaleen bidegurutzean eta Bartzelona hiribidean egin ditu lan horiek, ingurune horietan hautemandako beharrei erantzuteko. Modu horretara, beste pauso bat eman du pertsonentzat pentsatutako hiri seguruago eta irisgarriago bat lortzeko bidean.

Iñigo García Hiri Mantentze eta Zerbitzuetako zinegotziak nabarmendu duenez, "jarduketa horiek gure lan egiteko modua islatzen dute: bizilagunei entzutea, helarazten dizkiguten beharrei kasu eginez, eta esku-hartze txikiak eginda segurtasunean eta bizi-kalitatean eragin handia lortzen den lekuetan jardutea".  Bestalde, adierazi duenez, "espazio publikoa eraldatzen jarraitzen dugu, hirian ibiltzea gero eta erosoagoa, irisgarriagoa eta seguruagoa izan dadin". 

Urdaneta-Urbietako eskola-ingurunea hobetzea

Jarduera hauek egin dira:

• Espaloia zabaltzea, Urbieta-Urdaneta haurreskolaren ondoan orejeta bat eraikiz.
• Oinezkoen, haur-gurdien eta haur-aulkien irisgarritasuna hobetzea.
• Beste aldeko espaloian bigarren belarri bat eraikitzea.
• Gurutzatzeko distantzia murriztea eta oinezkoen ikuspena hobetzea.
• Oinezkoentzako pasabide goratua eraikitzea, zirkulazioa arintzeko.
• Obrak ukitutako hiri zerbitzu nagusiak berritzea.
• Seinale horizontalak berritzea.
• Bizikletentzako aparkaleku berriak jartzea oinezkoen pasabidea baino lehen.
• Eskola-inguruneko mugikortasunaren segurtasuna eta ordena hobetzea.

Oinezkoen pasabide goratu berriak Bartzelona hiribidean 

Jarduera hauek egin dira:

• Oinezkoentzako bi pasabide goratu berri eraikitzea.
• Pasabideak Bartzelonako hiribideko 10-12 eta 17-19 zenbakien parean kokatzea.
• Ibilgailuen abiadura murriztea bidegurutzeetan.
• Oinezkoen segurtasuna hobetzea.
• Mugikortasun urriko pertsonentzako, gurpil-aulkien erabiltzaileentzako, haur-kotxeentzako eta bizikletentzako irisgarritasuna handitzea.
• Bidegurutze erosoagoak eta seguruagoak egitea.
• Seinale horizontal eta bertikal berriak jartzea, pasabideen ikuspena bermatzeko.