​​​​​Donostiako alkatea, Jon Insausti, Venezuelako hiru elkarterekin (Asovengui, Choca los cinco con Venezuela eta Radio Extrema) bildu da gaur goizean, donostiarrek euren herrialdean izandako lurrikaren ondoren Venezuelako herriari elkartasuna adierazteko eta hiriak eman nahi duen laguntza humanitarioa bideratzeko bideak aztertzeko. 

Insaustirekin batera, Arantxa López Simón Kultura Aniztasuneko eta Inklusioko zinegotzia izan da bileran, eta biek adierazi diete elkarteei Donostiaren gertutasuna Venezuelak bizi duen une gogor honetan.

Laguntza antolatzeko lokala

Topaketaren ostean, Udalak lokal bat utziko die elkarteei, bildutako materiala (arropa, botikak, elikagaiak, lanabesak...) bildu ahal izateko. Igarako Pokopandegi auzoan dagoen hangar zabal bat da, jasotzen duten laguntza antolatu ahal izateko.

Era berean, Udalak elkarte horiei bide publikoan ekitaldi solidarioak antolatzen lagunduko die. Datozen egunetan, bi aldeek agenda bat planifikatuko dute, "donostiar orok jakin dezan zer egin dezakeen eta zer kanal erabil ditzakeen Venezuelako herriari laguntza eskaintzeko", esan du Insaustik.