1.Donostiarrak eta gure auzoak izatea ekintza politikoaren ardatz

ETSrekin, Renferekin eta Gipuzkoako Foru Aldundiarekin batera, hiriko hainbat tokitan tren- eta bide-trafikoaren soinu-inpaktua minimizatzeko neurriak bultzatzea.

Talka-planei aurrekontua ematea, mantentze-lanak eta aurreikusitako obrak egiteko. Sailen arteko lankidetzaren plangintza eta gauzatzea optimizatzea. Auzokideekin elkarlanean aritzea, haien lehentasunak kontuan hartuta.

Auzoetako bizitza hobetzea, herritarrekin partaidetza-prozesuetan egindako Aktibazio eta Hobekuntza Planen bidez.

Oinezkoentzako gune berriak sortzea, kalitatezko gune atseginago batzuk berreskuratu eta mugikortasun aktiboa eta osasungarria sustatzeko.

Garraio bertikaleko sistemen eraikuntzan aurrera egitea, desnibel geografikoak dituzten auzoetako irisgarritasuna hobetzeko.

Udaltzaingoaren eta Ertzaintzaren arteko lankidetza handitu eta areagotzea, hiriko segurtasun-ratioak hobetuko dituzten sinergiak sortzeko eta hurbileko polizia-zerbitzu hobea eskaintzeko.

Prestakuntza aurreratua ematea segurtasunaren eta babes zibilaren arlo espezifikoetan, herritarrei eskaintzen zaizkien zerbitzuak hobetzen jarraitzeko.

Larrialdietako eta babes zibileko planak eguneratzeko urte arteko planarekin jarraitzea.

Babes zibilean eta larrialdietan esku hartzen duten gainerako agentziekiko lankidetza areagotzea.

Herritarrenganako komunikazio kanalak eta sistemak hobetzea, bai larrialdi-egoeretarako, bai eta prebentzio eta dibulgazio-ekintzetarako ere.

Donostia helmuga jasangarri eta orekatu bihurtzen jarraitzea, eta auzo guztiei mesede egingo dien turismo arduratsu eta errespetuzkoa ere sustatzea.

Ingurumenarekin arduratsua den merkataritza iraunkorraren alde egitea, eta erreferentziako eta bikaintasunezko ostalaritzaren alde egitea, enplegua sortzeko eta erakartzeko jarduera gisa.

Teknikari/administrari bakoitzak kasu egindako pertsona ratioa murriztea. Gizarte Zerbitzugune batzuetan egin daitezkeen hobekuntzak egitea.

Auzo bakoitzaren hurbileko ingurunean jarduten duten kolektibo eta zerbitzuen partaidetza-dinamika hori bultzatzea, beharrei modu komunitarioan erantzuteko.

Adinekoei arreta emateko programak eta zerbitzuak indartzea, bai beraien etxean bertan, bai eskura dituzten gizarte-ostatuetan, kalteberatasun-egoerak ahalik eta gehien murrizteko. Zeharkako erantzunkizuneko zainketa publiko-komunitario eredu baterantz joatea.

Bitzitza osoa eta gizarte-harremanak bultzatzea, adineko zaurgarrien bizi-kalitatea hobetzeko.

Arauak betetzen dituzten Gizarte Larrialdietarako diru-laguntza guztiak (GLL) eta udal diru-laguntza guztiak ematea (APTC).

Auzo batzuetako erretiratuen etxeetako lokaletan hobekuntza-obrak egitea. Administrazio eta lege gaietako laguntza, kudeaketa eta aholkularitza hobetzea.

Haurren eta, bereziki, babesgabetasun eta pobrezia egoeran dauden familia eta adingabeen prebentzio, arreta, esku-hartze eta babes programak hobetzea eta indartzea.

Erreferentziazko beste erakunde eta eragile batzuekin batera, gazteen osasun emozionalean arreta jarriko duten programak eta ekimenak aktibatzea.

Gizarte-bazterkeria egoeran diren gazteak gizarteratzeko, etxebizitza eskuratzeko eta laneratzeko aukerak sortzea, lan-programa batzuen bidez.

Bazterkeria-egoeran diren etxerik gabeko pertsonentzako udal programak eta zerbitzuak handitzea, indartzea eta hobetzea, gizarteratzen laguntzeko. Genero ikuspegia kontutan hartu proiektu osoan, emakume eta gizonen beharrak eta zaurgarritasunak ez baitira berdinak kale egoeran.

Eusko Jaurlaritzako Osasun Sailarekin eta Osakidetzarekin lankidetzan aritzea hirigintza-jarduketak egikaritzeko eta zerbitzuak egokitzeko.

Eusko Jaurlaritzako Osasun Sailarekin eta Osakidetzarekin lankidetza estuan, aurreikustea eta planifikatzea orain diren osasun-zentroetan mantentze eta hobekuntza lanak egitea eta zentro berriak eraikitzea.

Eskolako jolaslekuen erabilera ekitatiboagoa sustatzea, haietan egiten diren jarduerek eta diren lekuen banaketak haurren arteko harremanak berdinagoak izateko modua eman dezan.