3.Gaztetutako hiri batean bizitzea eta gozatzea

HAPO berrian Auditz-Akularrerako behin betiko plangintza zehaztea. Ingurunea errespetatzeko moduko hirigintza-garapena; eremu berdeak, ekipamendu komunitarioak eta erreferentziazko instalazioak izango dituena, teknologia, berrikuntza eta kalitatezko enplegua erakartzeko modukoak.

Oinezkoentzako gune batzuk berreskuratzea: TOPOa lurperatu eta GI-20 errepideak Marrutxipitik izango duen sarbide berria egindakoan sortuko direnak.

Klima aldaketak ekarriko dituen ondorioak kontuan izan eta hiri-itsasertzeko elementuak monitorizatzeko, egokitzeko eta prebentziozko mantentze-lanak egitea.

Orain den Etxebizitza Plan Zuzentzailea berriz begiratu eta eguneratzea, hiriak dituen eta izango dituen beharretara egokitzeko.

Alokairuko etxebizitza gehiago izatea, modu onean hartu ahal izateko batez ere gazteek.

Gazteei etxebizitza eskuragarriak (ekipamenduetarako apartamentuak, dagoeneko eraikita dauden etxebizitzak berreskuratzea, alternatiba berriak...) eskaintzen dizkieten neurri berriak abiaraztea.

Eusko Jaurlaritzaren Etxebizitza Legeak babestutako neurriak abian jartzea, gaur egun hutsik dauden etxebizitzak higiezinen merkatura ateratzeko.

Kultur etxeen eta liburutegien sareko ekipamenduak handitzea eta berritzea, auzo bakoitzeko kulturaren erreferentzia-puntuak izateko aurrera ere.

Berritze eta hobetze lan batzuk egitea Victoria Eugenian eta Antzoki Zaharrean, haien kultur programazioa eskaintza berritzaile baten bidez handitzeko modua izan dezaten.

Instalazio berri batzuk ematea kontserbatorioari, prestakuntza-eskaintza handitu ahal izateko.

Tokiko kultura-sarearen erakusleiho bihurtzea Donostia, euskarazko sorkuntza sustatuz eta eskaintza hori Euskaditik kanpoko eremu berrietara esportatzeko tresnak eskainiz.

Donostiako literatura-sorkuntza ezagutaraztea, tokiko idazleen ibilbideen eta haien inspirazio-iturri eta literatura-lanen parte izan diren kale, plaza, negozio edo txokoen bidez.

Musika eta dantzaren arloetan, genero, jatorri eta gaitasun desberdinetako pertsonei bideratutako kalitatezko titulazio ofizialik gabeko irakaskuntza eskaintzea.

Hiriko jaialdi handiak gero eta digitalagoa, aktiboagoa eta heterogeneoagoa den publikoaren eskaera berrietara egokitzea.

Arte-adierazpen emergenteek Donostiaren irudia, nortasuna eta kultura-proiekzioa indartzea. Euskal arte-sorkuntza indartzea, Donostia Kultura, Tabakalera, San Telmo Museoa, artistak, galeriak eta arte-eragile publiko eta pribatuen arteko sinergia berrien bidez.

Kirola eta gizarte-kirola dinamizaziorako programak, proiektuak eta ekimenak abian jartzea Donostia Kirolak, hiriko kirol-elkarte eta eragileekin lankidetzan jardunda.

Osasuna eta ongizatea sustatzea kirol-jardueraren bidez, auzoetan eta, batez ere, aire zabalean egiteko programa eta ekimenen bidez.

Klubekin eta ikastetxeekin lankidetzan aritzea emakumeen kirola sustatzen jarraitzeko, oinarrietatik eliteko txapelketetara.

Kirol Txartelaren prestazioak handitzea, pandemiaren aurreko harpidedun kopurua lortzeko.

Kirol-instalazioak hobetzeko, zaintzeko eta berritzeko plan bat definitzea, eta beste diziplina batzuetan kirola egiteko modua emango duten gune berriak sortzea.

Aire zabaleko kirol-espazioak bultzatzea, kirol-modalitate berri batzuk egitea sustatzeko.

Donostia 2030eko Munduko Futbol Txapelketaren egoitza izateko hautagaitza bultzatzeko mekanismoak eta ekimenak aktibatzea.