4.Elkarrizketan eta herritarren konplizitatean oinarritu eta hiri partekatu baten alde lan egitea

Amara Berriko eta Erriberetako dinamika arrakastatsuak hiriko beste auzo batzuetara hedatzea.

Auzoz Auzo bilerak auzo bakoitzeko elkarte eta auzotar guztiengana zabaltzea. Eragile berriak sartzea eta bilera irekiak egitea. Etorkinen kolektiboen artean asoziazionismoa eta parte-hartzea sustatzea.

Ikastetxeekin lankidetzan jardun eta gazteentzako dinamikak sortzea, herritarren parte-hartzea sustatzeko.

Hiriaren historian giza eskubideen memoria kolektiboa zabaltzeko ekimen pedagogikoak garatzea.

Bizikidetza eta kulturen arteko elkarrizketa sustatzea, xenofobia eta arrazakeria prebenitzeko.

Politika, programa eta jardueretan diskriminaziorik ez dagoela bermatzea, eta herritar guztien eskubide politiko, sozial eta ekonomikoen erabilera erraztea.

Udalaren lankidetza bultzatzea, Udalaren aurrekontuaren % 0,7 lankidetzarako izan dadin.

Sexu-orientazioagatik eta genero-identitateagatik diskriminatzeari aurrea hartzea; politiken, kanpainen eta LGTBI+ erakundeen eta haien ekimenen babesaren bidez.

Emakumeen Etxea egoitza berri batera aldatzea Amara kalean. Eskaintzen dituen zerbitzuak eta haien izaera aztertzea, eskari eta behar berrietara egokitzeko.

Berdintasuna Udaleko arlo guztietan, gobernuan eta hiriko egunerokoan txertatzen jarraitzea.

Emakume batzuen lana ikusaraztea, haien ekarpenak ezagutaraziz eta gure kaleetan duten presentzia indartuz.

Emakumeen aurkako indarkeria mota ororen kontra borrokatzea, kaleak eta espazio publikoak seguruago bihurtuko dituzten ekimenen bidez. Hezkuntza sustatzea, prebentzio eta sentsibilizazio tresna gisa.

Polizia-erantzun azkarreko eta sexu-erasoen biktimei berehalako arreta emateko protokolo espezializatua finkatzea. Sexu-erasoen biktimen arretarako gunea hobetzea eta zerbitzua indartzea. Haur eta nerabeek ere indarkeria honetatik babesteko betebeharrak aintzat hartuta, udaleko barne komunikazioa eta koordinazioa indartzea protokoloak aktibatu eta erantzun hobeak emateko.

Aurrekontu-egonkortasunari eta finantza-iraunkortasunari buruzko arauak betetzea (defizita 0, hornitzaileei ordaintzeko batez bestekoa, gastu-araua).

Plantillaren dimentsionamendua aztertzea, bitartekotasuna murriztea eta enplegu egonkorra eta kalitatezkoa sustatzea, eta lanbide-profilak beharrizan berrietara egokitzea.

Enplegatuen errendimendu, motibazio eta prestakuntza handiagoa ekarriko duten karrera profesionaleko sistemak ezartzea.

Herritarrentzako Arreta Zerbitzua eta haren kudeaketa-tresnak hobetzea. Gogobetetasun-maila 10etik 8 izatea. Ekitate digitala bultzatzea.

Integritate publikoaren eredu bat ezartzea alderdi guztietan, Gardentasun Plana aplikatuz eta Iruzurraren aurkako Planaren jarduketak osatuz. Gardentasun helburua: estatuko aurreneko 3 hiriburuen artean egotea gardentasun rankingean.

Udalaren antolaketa eta egitura gizartearen premia aldakorretara egokitzea: eman zaien jarduerari erantzuteko baliabiderik eraginkorrenak emanez eta jarduera-katalogoen ereduak antolatuz eta sinplifikatuz.

Estrategia, zerbitzuak eta emaitzak bata bestearekin uztartuta eta Garapen Jasangarrirako Helburuekin (GJH) lerrokatuta izango den Kudeaketa Publikoaren Eredua ezartzea, hizkuntza herritarrekin eta eragileekin bateratzeko.

Dokumentuak Artxibatzeko eta Kudeatzeko Udal Sistema definitzea eta ezartzea, lege-araudi berrira egokituta.

Administrazioan euskararen erabilera normalizatzea, herritarrei zerbitzua emateko hizkuntza eta langileen arteko harremanetarako eta lanerako hizkuntza izateko. Euskara kudeaketaren erdigunera eramatea Donostiako Udala euskararen arnasgune bilakatu dadin.

Hizkuntza aniztasuna oinarri hartuz, euskarara hurbiltzeko praktikak abian jartzea. Donostian bizitzen jarri nahi duten pertsonei euskararen balioak transmititzea, komunikazio eta bizilagunen elkarbizitzarako hizkuntza gisa.

Harrera linguistikorako protokoloa egitea, Donostian bizitzen jarri nahi duten pertsonei euskararen balioak transmititzeko, komunikazio eta bizilagunen elkarbizitzarako hizkuntza gisa.