Izena emateko sistema

 

Ekainaren 9tik 15era (biak barne)

 

1.- Pertsona bakoitzak aurretiko izen-emate eskaera bakar bat egin dezake.

Pertsona baten izenean eskaera bat baino gehiago aurkezten bada, bat bakarrik onartuko da eta besteak baliogabeak izango dira. Kasu honetan, baliozko eskaera zein den Donostia Kirolak (KUP) erabakiko du, eta, gainera, eskatzaileak iruzur ahalegina egin duela irudituko balitzaio, aurretiko izen-emate guztiak baliogabetu ditzake.

2.- Aurretiko izen-emate bakoitzean bi aukera jarri ahal izango dira. Baina, betiere, kontuan izanik, plaza izango balitz, bietako bat bakarrik hartuko dela, lehenengo aukera lehenetsiko delarik.

3.- Aurretiko izen-emate eskaera 2025eko ekainaren 9tik 15era arte aurkeztuko da:

• Interneteko orriaren bidez: www.donostiakirola.eus

• Zuzenean (larunbata 14 eta igandea 15a izan ezik): Donostia Kirolaren bulegoetan (Anoeta pasealekua, 18) 9:00etatik 14:00etara; Altza, Bentaberri, Bidebieta, Intxaurrondo, Etxadi eta Egia kiroldegietan 10:30etatik 14:00etara eta 16:00etatik 20:00etara eta Paco Yoldi Igerilekuak kiroldegian 15:00etatik 20:00etara

  Aurretiko izen-emateak
 
 Jardueren informazioa 

Ekainaren 18an

  • 2025eko ekainaren 18tik aurrera zozketaren emaitzak kontsultatu ahal izango dira.

 

  Zozketaren emaitza

Epea uztailaren 11an amaituko da

Izen-ematea onartua izan ahal izateko, plaza lortu duten pertsonek ikastaroaren prezioa 2025eko uztailaren 11erako ordaindu beharko dute. Epe horren barruan ordaintzen ez bada, eskaera horri baja emango zaio eta plaza hori itxaron zerrendako hurrengoak beteko du –inor balego–.

Ordaintzeko erak:

  1. • Banku bidezko ordainketa
    Nahi duenak bankuaren bidez ordain dezake ikastaroaren prezioa, horretarako aurretiko izen-emate orrian helbideratuko du ordainketa. Kasu horretan, 2025ko uztailaren 11an ezarriko zaio ordainketa kontu korrontean. Ordainketa hau on-line edo gure bulegoetan dagoeneko egin baduzu, kargu hori ez zaizu pasako.
  2. • Ordainagiria
    Ordainketa helbideratu nahi ez duten pertsonei marra kodea duen eskutitza bidaliko diegu, eta bertan azaltzen diren banketxeetako kutxazain automatikoetan edo bulegoetan ordaindu ahal izango dute matrikularen prezioa. Ordainketak eskutitza jasotzen den egunetik 2025eko uztailaren 11ra arte egin ahal izango dira.

• Ordainketa presentziala
Era berean, nahiago izanez gero, ordainketa Donostia Kirolaren bulegoetan egin daiteke (Anoeta pasealekua, 18) zozketa egiten den egunetik 2025eko uztailaren 11ra, baita Altza, Bentaberri, Bidebieta, Egia, Intxaurrondo, Etxadi eta Paco Yoldi kiroldegietan ere. Hemen Instalazioetako arreta-ordutegiak

Leku horietan banketxeko txartelaren bidez egingo da ordainketa.

• Interneten bidez
Marra kodea duen eskutitza jaso ondoren interneten bidez ere ordaindu ahal izango da web orri honetan

Ikastaroaren ordainketa ez egiteak, zozketan esleitutako plaza galtzea suposatuko du.

 

 Kasu guztietan, ordaintzeko epea 2025eko uztailaren 11ean bukatuko da.

 

 

 Gogoratu: Zozketan plaza lortu duen norbaitek eskutitz bidez bidaltzen den ordainagiria uztailaren 1a baino lehen jasotzen ez badu, Donostia Kirolaren 943 481 881 telefonora deitu beharko du uztailaren 11a baino lehen.

KIROL TXARTELA dutenek, harpidedunen prezioa ordaindu ahal izateko, harpidedun izan behar dute ordainketa egitean, eta harpidedun izaten jarraitu behar dute ikastaroak irauten duen bitartean.

Uztailaren 16etik aurrera

izen-emateak egin ahal izango dira:

  • Internet bidez: www.donostiakirola.eus (uztailaren 16ean goizeko 9:00etatik aurrera)
  • Donostia Kirolaren bulegoetan (astelehenetik ostiralera): 9:00 - 14:00
  • Altza, Bentaberri, Bidebieta, Egia, Etxadi eta Intxaurrondo kiroldegietan (astelehenetik ostiralera) - 10:30 - 14:00 / 16:00 - 20:00.
  • Anoetako Paco Yoldi Kiroldegian (astelehenetik ostiralera): 15:00 - 20:00.

 

  Online izen-emateak

  Online izen-emateak tramitatzeko gida laburra

Ikastaroak