Jardueren azalpena
JARDUERA BATERATUA
Saio bakar batean bateratzen dira 30 minutuko Aerobica eta 30 minutuko indartze-saio zuzendua.
LATINZUMBA
Aerobikoa helburua duen eraginkor eta jarraitzeko erreza den jarduera. Saioak musika oinarri batekin koreografi ezberdinak lantzen dira, hauetan intentsitatea eta erritmoa aldatuz.
MANTENTZE GIMNASTIKA
Soinketa mota honetan oinarrizko ezaugarri fisikoak lantzen dira. 18 urte baino goragokoentzat da jarduera. Honetaz gain, giza balioak lantzeko ere balio du, pertsona arteko erlazioak indartzeko, taldearen motibazioa bultzatzeko. Beraz, mantentze gimnastikaren helburu nagusia, trebetasun motrizak, egoera fisikoa eta autoestimua hobetuz osasunaren hobekuntza orokorra lortzea izango da. Halaber, ahal den neurrian loditasuna, hipertentsioa eta bihotzeko arazoak saihestuko dira.
TAEKWONDO
Taekwondoa borroka artea da, non hankako teknikak asko erabiltzen diren, gainontzeko borroka arte gehienetan baino askoz gehiago eta era askotakoak diren. Era berean, teknika zainduak nabarmenduarazten du bere potentzia eta zehaztasunagatik.
Total Body
Egokitzapen fisiko globaleko programa, non, mugimendu funtzionalen bidez eta aldi berean hainbat muskulu inplikatuz, oinarrizko gaitasunak lantzen diren (erresistentzia, indarra, malgutasuna, potentzia, abiadura, koordinazioa, arintasuna eta oreka). Jarduera honek musika erabiltzen du gida gisa (ez da koreografiarik egiten). Edonork egin dezake, erraz molda baitaiteke baldintza pertsonaletara.
ARRAUNA SURFA
Itsasoan egiten den jarduera da, SURFA taula baten gainean, zutik eta arraun baten laguntzarekin.
IGERIKETA 5-12 HILABETE
Haurtxoaren garapen ebolutiboaren prozesua indartzea du helburu jarduera honek, uretako jarduera asko praktikatzearen bitartez, motriz, fisiko eta psikiko bizipen asko izatea bilatzen, haurtxoen artean, eta guraso eta haurtxoen artean sortzen diren erlazioarekin batera.
Oharra: umearengan konfiantza duen pertsona heldu batek haurrari laguntzen dio uretan eta klaseetan aktiboki parte hartzen du oinarrizko ariketak eginez.
IGERIKETA 1-2 URTE
Jokoa da haurraren bizitza, honen bidez bere nahiak, ilusioak, frustrazioak eta gatazkak adierazten ditu. Ondorioz, gure programaren ardatz nagusi izango da eta haurraren garapenean eragiteaz gain, gurasoei irakatsiko diegu jokoaren bidez beraien seme-alabekin erlazionatzen.
Beraien arteko maitasun eta konfiantzarengan eragin nahi dugu, esperientzia errepikaezin batean parte hartuz, eta haien arteko erlazio kognitibo eta afektiboa sendotuz.
Oharra: umearengan konfiantza duen pertsona heldu batek haurrari laguntzen dio uretan eta klaseetan aktiboki parte hartzen du oinarrizko ariketak eginez.
UMEENTZAKO IGERIKETA
Ur jardueretako irakaskuntza metodologia berriei egokituz, Donostia Kirolak ikastaroen formatu berritzaileari ekingo dio, non irakaskuntza ume bakoitzaren ezaugarri eta beharrei egokituko zaien. Era honetan, haurrek talde homogeneo batean ikasiko dute eta ur-eremuari bere egokitzapenaren progresioa kontutan izango da.Irakaskuntza prozesua bi mailatan egituratzen da. Lehendabiziko mailak ur-eremuari egokitzapen eta ohitzeari zuzenduta daude (1. maila-Zapaburu eta 2. maila-Marmoka). Ondorengo hiru mailek (3. maila-Piraña, 4. maila-Marrazoa eta 5. maila-Izurdea) trebetasun eta gaitasun konplexuagoei ekingo diete, ur-eremuan gorputzaren kontrol osoa menperatu arte eramango dutenak.
IGERIKETA HAURDUNENTZAT
Ikuspegi fisiko zein psikologikotik, ariketa fisiko neurriduna lantzea abantaila ugari dituela haurdun dagoen emakumearentzat: erlaxazioa, gihar minak lasaitzea, arnasketa hobetzea eta zirkulazioa ere…
Ikastaroak
Ikastaroak
