Tronpeta

Metalezko haize instrumentuen familiakoa da.

Izan ere, haizea emanda jotzen da, eta metalez egina dago. Metalezko haize instrumentuetan txikiena da.

Bi atal ditu: Ahokoa eta instrumentua.

Ezpainek ahoko piezan egiten duten bibrazioaren ondorioz sortzen da soinua. Notak jotzeko, pistoiak zapaldu (hiru dauzka) eta airearen presioa kontrolatu behar da (goi-goiko notak jotzeko, azkarrago eta presio handiagoz eman behar da haizea). Soinua kanpaitik ateratzen da.

Tronpeta PLUS

Ikasleek Eskolan instrumentuarekin denbora gehiago ematea ahalbidetzeko, Eskolak Tronpeta Plus eskaintza egiten du 8 eta 10 urte bitarteko ikasle hasi berrientzat Atotxako egoitzan.

Tronpeta PLUS-en ikasleek ordu beteko bi saio jasotzen dituzte taldeka astean. Ordutegia finkoa da, eta lehenengo 4 ikasturteetan mantentzen da.

Saio horietan instrumentuko, taldeko eta Musika Hizkuntzako edukiak lantzen dituzte, eta banakako saioak ere egiten dituzte tutorearekin.

Tronpeta PLUS egiten duten ikasleek ez dute Musika Hizkuntza egin behar.