Abenduak 1 arte zabalik dago kide berriek udal kontseilu sektorialetan izena emateko epea

Norbanakoek, elkarteek eta bestelako erakundeek egin ahal izango dituzte eskaerak.

Azaroaren 20tik abenduaren 1era zabalik dago epea orain arte Udal Kontseilu Sektorialetan parte hartu ez duten eta legegintzaldi berrian parte hartu nahi duten norbanakoek, elkarteek eta bestelako erakundeek beren eskabideak erregistratu ahal izateko.

Arlokako kontseiluak honako gai hauei dagozkie:

• Memoria historikoa
• Ingurumena
• Gizarte-ekintza
• Euskara
• Mugikortasuna
• Berdintasuna
• Garapenerako lankidetza eta hezkuntza.

Nola parte hartu

• Pertsona fisikoek telematikoki zein aurrez aurre egin ahal izango dute eskaera UdalInfo-ko bulegoetan.

• Kontseiluan parte hartu nahi duten elkarteek Donostiako Udalaren Herritarren Erakundeen Erregistroan inskribatuta egon behar dute, eta haien helburu soziala, helburua edo jarduerak kontseilu bakoitzaren eremuarekin lotuta egon behar dira.

Udal-erregistro horretakoak ez diren gainerako entitate eta erakundeek "garrantzi sozial bereziko kolektibo" gisa egin beharko dute eskabidea.

Elkarte zein kolektiboek telematikoki izapidetu beharko dute eskabidea.

Kontseilu sektorialak

Udal-partaidetzako organo gisa, 7 kontseilu horiek helburu eta elementu komunak dituzte egituran eta funtzionamenduan, eta erregelamendu bakoitzean zehazten dira gai bakoitzari lotutako helburuak eta eginkizunak, eta kontseilu bakoitzak pertsona fisikoen, elkarteen eta beste eragile batzuen, erakundeen eta abarren parte-hartzeari dagokionez dituen baldintzak zehazten dira.

Kontseiluak Gobernu Irekiaren planteamenduaren barruan daude, eta bertan parte hartzen dute tokiko gobernuak, udalbatzako udal-taldeen ordezkariek, herritar antolatuek, beste erakunde batzuek, eragile publiko eta pribatuek, norbanakoek eta teknikariek.

Aholkularitzarako, informaziorako, eztabaidarako, azterketarako eta proposamenerako organo iraunkorrak dira, eta, besteak beste, irizpideak zehaztu eta gomendioak eman dakizkioke udal-erakundeari, bere eskumeneko gaietan eta udal-politika sektorialei dagokienez ildo edo jarraibide orokorrak bideratzeko. Izaera aholku-emailea dute, hau da, iritziak emateko eta proposamenak egiteko gaitasuna dute; proposamenak ez dira lotesleak izango, baina udal-jardueran eragina izan dezaten mekanismoak ezarriko dira.