Elkarrizketan eta herritarren konplizitatean oinarritu eta hiri partekatu baten alde lan egitea
Donostia hiri plurala, irekia eta askotarikoa da. Sentsibilitate eta ikuspuntu ugari ditu. Hala, beharrezkoa da herritarren partaidetzarako eta demokrazia etengaberako ekimenak bultzatzea, donostiar guztiak gure hirian eta hiria eraikitzen duten politika eta proiektuetan aintzakotzat hartu eta partaide senti daitezen.

Balio demokratikoekin konprometitzea gure nortasun-ezaugarri nagusietako bat da. Eta hori indartzen jarraituko dugu, giza eskubideak zabaltzeko ekimenen bidez, terrorismoaren eta indarkeriaren biktimen memoria defendatuz eta LGTBI+ kolektiboaren eskubideak urratzen dituzten jarrera homofobo eta transfoboen aurka borroka eginez.

Berdintasunak zeharkako ardatza izan behar du, Udalaren lan-arlo guztiak, udal gobernua eta hiriaren egunerokotasuna alderik alde pasatzen dituena. Hori dela eta, politika publiko guztietan genero-ikuspegia txertatzea, emakumeentzako kalitatezko enplegu gehiago sortzea eta sexu eta genero indarkeriaren aurka borroka egitea izango dira legegintzaldi honetako lan-eremu nagusiak.

Udal-baliabideen kudeaketa aurreratuaren alde egiten jarraituko dugu; gobernu ona, herritarren parte-hartzea eta pertsonen integrazioa izateko. Eta euskararen normalizazioa bultzatzen jarraituko dugu, kohesiorako eta integrazio sozial eta kulturalerako tresna gisa.

Aurkitu zure intereseko proiektu bat, aplikazioaren eremuaren arabera
Auzo Mahaiak

Amara Berriko eta Erriberetako dinamika arrakastatsuak hiriko beste auzo batzuetara hedatzea.
Parte hartzeko dinamikak sustatzea gazteen artean

Ikastetxeekin lankidetzan jardun eta gazteentzako dinamikak sortzea, herritarren parte-hartzea sustatzeko.
Auzoz Auzo

Auzoz Auzo bilerak auzo bakoitzeko elkarte eta auzotar guztiengana zabaltzea. Eragile berriak sartzea eta bilera irekiak egitea. Etorkinen kolektiboen artean asoziazionismoa eta parte-hartzea sustatzea.
Eskubide, betebehar eta aukera berdintasuna

Politika, programa eta jardueretan diskriminaziorik ez dagoela bermatzea, eta herritar guztien eskubide politiko, sozial eta ekonomikoen erabilera erraztea.
LGTBI+ kolektiboaren eskubideak defendatzea

Sexu-orientazioagatik eta genero-identitateagatik diskriminatzeari aurrea hartzea; politiken, kanpainen eta LGTBI+ erakundeen eta haien ekimenen babesaren bidez.
Kultura-aniztasuna sustatzea

Bizikidetza eta kulturen arteko elkarrizketa sustatzea, xenofobia eta arrazakeria prebenitzeko.
Nazioarteko lankidetzarekiko konpromiso iraunkorra

Udalaren lankidetza bultzatzea, Udalaren aurrekontuaren % 0,7 lankidetzarako izan dadin.
Emakumeen Etxea: eraikin berria

Emakumeen Etxea egoitza berri batera aldatzea Amara kalean. Eskaintzen dituen zerbitzuak eta haien izaera aztertzea, eskari eta behar berrietara egokitzeko.
Emakumeen irudiaren berreskuratze historikoa

Emakume batzuen lana ikusaraztea, haien ekarpenak ezagutaraziz eta gure kaleetan duten presentzia indartuz.
Sexu-erasoen biktimei ematen zaien arreta hobetzea

Polizia-erantzun azkarreko eta sexu-erasoen biktimei berehalako arreta emateko protokolo espezializatua finkatzea. Sexu-erasoen biktimen arretarako gunea hobetzea eta zerbitzua indartzea. Haur eta nerabeek ere indarkeria honetatik babesteko betebeharrak aintzat hartuta, udaleko barne komunikazioa...

Gizonen eta emakumeen arteko erabateko berdintasuna

Berdintasuna Udaleko arlo guztietan, gobernuan eta hiriko egunerokoan txertatzen jarraitzea.
Emakumeentzako hiri segurua

Emakumeen aurkako indarkeria mota ororen kontra borrokatzea, kaleak eta espazio publikoak seguruago bihurtuko dituzten ekimenen bidez. Hezkuntza sustatzea, prebentzio eta sentsibilizazio tresna gisa.
Udal-finantzak: zorpetze-maila txikia eta kaudimen handia

Aurrekontu-egonkortasunari eta finantza-iraunkortasunari buruzko arauak betetzea (defizita 0, hornitzaileei ordaintzeko batez bestekoa, gastu-araua).
Dokumentuak Artxibatzeko eta Kudeatzeko Udal Sistema

Dokumentuak Artxibatzeko eta Kudeatzeko Udal Sistema definitzea eta ezartzea, lege-araudi berrira egokituta.
Udal-langileen plantilla egonkortzea

Plantillaren dimentsionamendua aztertzea, bitartekotasuna murriztea eta enplegu egonkorra eta kalitatezkoa sustatzea, eta lanbide-profilak beharrizan berrietara egokitzea.
Udal-jardueraren integritatea

Integritate publikoaren eredu bat ezartzea alderdi guztietan, Gardentasun Plana aplikatuz eta Iruzurraren aurkako Planaren jarduketak osatuz. Gardentasun helburua: estatuko aurreneko 3 hiriburuen artean egotea gardentasun rankingean.
Modelo de gestión pública alineada a los ODS

Implementar el Modelo de Gestión pública que relacione la estrategia, los servicios y los resultados, y alineada a los Objetivos de Desarrollo Sostenible (ODS) para unificar el lenguaje con la ciudadanía y los agentes.
Udalaren informazio eta izapide administratiboetako zerbitzuak

Herritarrentzako Arreta Zerbitzua eta haren kudeaketa-tresnak hobetzea. Gogobetetasun-maila 10etik 8 izatea. Ekitate digitala bultzatzea.
Jarduera ardatz duen udal-antolaketa eraginkorra

Udalaren antolaketa eta egitura gizartearen premia aldakorretara egokitzea: eman zaien jarduerari erantzuteko baliabiderik eraginkorrenak emanez eta jarduera-katalogoen ereduak antolatuz eta sinplifikatuz.
Euskara etorkinentzat

Hizkuntza aniztasuna oinarri hartuz, euskarara hurbiltzeko praktikak abian jartzea. Donostian bizitzen jarri nahi duten pertsonei euskararen balioak transmititzea, komunikazio eta bizilagunen elkarbizitzarako hizkuntza gisa.
Euskara, administrazio publikoaren zeharkako ardatz

Administrazioan euskararen erabilera normalizatzea, herritarrei zerbitzua emateko hizkuntza eta langileen arteko harremanetarako eta lanerako hizkuntza izateko. Euskara kudeaketaren erdigunera eramatea Donostiako Udala euskararen arnasgune bilakatu dadin.
Harrera linguistikorako protokoloa

Harrera linguistikorako protokoloa egitea, Donostian bizitzen jarri nahi duten pertsonei euskararen balioak transmititzeko, komunikazio eta bizilagunen elkarbizitzarako hizkuntza gisa.
Langileen errendimendua kudeatzea, zerbitzu publiko eraginkorrak emateko

Enplegatuen errendimendu, motibazio eta prestakuntza handiagoa ekarriko duten karrera profesionaleko sistemak ezartzea.
Giza Eskubideak - Dibulgazio pedagogikoa

Interesatuko zaizu agian