Hirigintza-plangintza. Donostiako 2010eko HAPOko zonifikazio xehatua

Datu multzo honek 2010/06/25ean behin betiko onetsitako Donostiako Hiri Antolamenduko Plan Orokorrean ezartzen den zonakatze xehatuak zehaztutako eremuen mugaketa geografikoa erakusten du. Kalifikazio xehatuko unitate bakoitzaren kodeari eta izenari buruzko informazioa jasotzen du, udal-mugartean hiri-lurzoru eta lurzoru urbanizagarri gisa sailkatutako lursailei aplikatzekoa.

Kalifikazio xehatuko araubide orokorrak hiri-lurzoru eta lurzoru urbanizagarri gisa sailkatutako udalerriko lursailetan eragiten du, eta sistematizatu egiten da, erabilera xehatuko oinarrizko mota hauek bereiziz:

• a- Bizitegi-lurzatia
• b- Jarduera ekonomikoetarako lurzatia
• e- Komunikazio-sistema
• f- Espazio libreak
• g- Ekipamendu komunitarioa
• h- Zerbitzu-azpiegitura

2010eko HAPOaren ondoren onetsitako aldaketak datu multzo honetan sartu dira, eta indarrean dagoen plangintzaren ikuspegi eguneratua ematen dute.

Erreferentzia-sistema: ETRS89 ZONA 30 EPSG:25830.

Datu multzoa GeoDonostia bisorearen bidez ikus daiteke, "PLANEAMENDUA/Plan Orokorra-HAPO eguneratua/Zonifikazio Xehetua" geruzan.

Plano orokorretarako / arau partikularretarako sarbidea (dwg)

Informazioak ez du balio juridikorik.