Trikitixa

Trikitixa terminoak hainbat gauza adierazten ditu: dantza mota bat , musika estilo bat,  trikitixa edo akordeoi diatoniko eta panderoaz osatutako bikote instrumentala … Dena den,  gaur egun eta orokorrean tresnari, akordeoi diatonikoari, deitzen zaio trikitixa

Trikitixak, haizea erabiltzen du barruan dituen aurrez afinatutako metalezko mihiak dardarazteko eta soinua sortzeko.

PANDEROA

Trikitixa eta panderoak bikote instrumentala osatzen dute.

Esku eta atzamarrekin jotzen den perkusiozko tresna bat  da. Alde batean, zurezko uztai bati lotutako eta ondo tenkatutako larruzko mintz bat  dute. Uztaiaren bueltan, ilara batean edo bitan jarrita, metalezko 12-14 txindata pare ditu.