Artikutza aterpetxea

Nola erreserbatu aterpetxea

Aterpetxea osorik alokatzen du 10-32 pertsonako talde bakar batek. Gutxieneko egonaldia 2 gauekoa da. Aterpetxera sartu nahi den hilabetea baino 4 hilabete lehenago egin daiteke erreserba eskaera, gehienez ere; hau da, adibidez, maiatzaren 18rako alokatu nahi badute, erreserba urtarrilaren 1eko 00:00etatik aurrera egin dezakete.

Erreserba eskaerak bi modu hauetan egin daitezke:

• Telematikoki Online formularioa betez eta bidaliz.
• Eskaera orria edozein udal erregistrotan aurkeztuz.

Ikusi data libreak.

Iristen diren erreserba eskaerak posta elektronikoz erantzungo dira.

Baldin eta data bererako eskaera bat baino gehiago egiten bada, lehenik jasotzen denak izango du lehentasuna.

Erreserba onartzen bada, berresteko, 100 €ko fidantza eskatzen da, fidantza eta seinale moduan. Diru kantitate hori ez da itzuliko erreserba eskatutako datarako 15 egun baino gutxiago falta direla ezeztatuz gero edo aterpetxean kalterik eraginez gero.

Egonaldiaren ordainketa sarrera data baino 15 egun lehenago ordaintzen da. Egonaldiaren aurreko astean, beti ere ordaindu bada, kontratua eta giltzak jasotzeko argibideak bidaltzen dira.

Aterpetxea erabiltzeko arauak

• Ezin da erre aterpetxe barruan.
• Nahitaez, azpiko maindirea eta buruko zorroa erabili behar dituzte. Aterpetxean bertan jasotzen dira. Lo zakua eramatea komeni da.
• Lagun egiteko animaliak, soilik, eraikinaren sotora sar daitezke. Debekatuta dago horrelako animalia aterpetxeko gainerako geletara sartzea.
• Autoak aterpetxearen inguruan aparkatuko dituzte, atzean den Zurgin-enea etxerako igarobidea oztopatu gabe. Gogoan izan motordun ibilgailuak erabiltzea soilik zilegi dela herriaren eta aterpetxearen artean. Bizikletak, bestalde, pistetatik baino ezin dira ibili.
• Aterpetxean ostatua hartu duten pertsonak autoz joan daitezke haraino. Era berean, Artikutzan sartzeko eta bertatik ateratzeko aukera izango dute bisita arruntetarako ezarritako ordutegitik (8:00-20:00) kanpo.
• Egonaldian, aterpetxean ostatua hartuta ez duten senideak edo lagunak eguna pasatzera joan behar badute, Artikutzako zaintzaileei jakinarazi beharko diete.

Argibideak osatzeko, jo ezazu Artikutzako araudi orokorrera.

Aterpetxea: Kokalekua eta sarbidea

Basozain batek kontrolatzen du Artikutzara autoz sartzea, Eskas izeneko etxolatik. Giltza bat eskura daiteke, zaintzailea ez dagoenean, sarrerako hesia zabaldu ahal izateko.  Handik, 7km dira aterpetxeraino, errepidez.

Artikutza auzora helduta, zubi txiki bat zeharkatu eta ezkerraldera den pistatik igo beharra dago, San Agustin baselizaren ondotik. Pista gora doa. Eskuinaldera Urzain-Enea utzita, bidegurutze batera heldu eta, han, eskuinaldera biratu beharra dago aterpetxera heltzeko (leiho marroiak dituen etxe zuri bat).

Aterpetxea: guneak eta hornidura

• Behe solairua edo sotoa: Mahai teniserako mahaia (pilotak eta palak norberak eraman beharrekoak), arropa zabaltzeko tokia, sofa eta bi besaulki eta mahai-eserlekuak.
• Solairu nagusia: Sukaldea, mugikortasun arazoak dituztenentzat egokitutako komuna, logela 1 bi ohatzerekin (4 pertsona), jantokia, egongela, terraza, goiko eta beheko solairuetarako igarobidea. 2 irteera (jantokitik eta sukaldetik).
• Terraza: parrilla bat.
• Goiko solairua: 2 logela handi (14+14 plaza, ohatzetan) eta bainugelak (konketak, komunak eta dutxak).
• Garajea: egurtegia, garbigailua eta berogailu galdara.
• Wifia dago aterpetxe guztian.

1. SUKALDEA

   Ondokoak ditu: izozkailudun 2 hozkailu, butanoz ibiltzen den lau sutako sutegi eta labe industrialak, plantxa, ontzi garbigailu elektrikoa, ur berodun harraska bat (termo elektrikoa), 2 mikrouhin labe, kafeontzi italiarra, sukalderako tresneria (zartaginak, kazolak…), baxera, edalontziak eta mahai tresnak, erretiluak…

   * Baxera garbitzeko xaboia erabiltzaileak ekarri beharko du.

2. EGONGELA ETA JANGELA

   Jangelak ondokoak ditu: 3 mahai handi eta 6 eserleku luze ditu (guztira, 30-25 lagunentzat), tximinia, estali gabeko terraza handi baterako irteera, sarrera nagusiko atea, goiko solairura igotzeko eta sotora jaisteko eskailerak.

   Egongelak 5 lagunentzako sofa bat du, liburutegi txiki bat eta mahai jokoak. Deiak jasotzeko telefono zenbakia: 948 39 70 16.

3. LOGELAK

   Lehen solairuko logelan 4 pertsonentzako tokia dago, 2 ohantzetan, eta apalekiko armairuak.

   Logela handi bakoitzak 7 ohatze ditu (14 leku gela bakoitzean) eta apalekiko armairuak.

   Azpiko maindireak eta buruko azalak daude erabilgarri bezeroarentzat.

4. BAINUGELAK

   Bainugela batekin lotuta dago gela handi bakoitza. Bakoitzak ondokoak ditu: 3 komun ontzi, 3 dutxa, ispiluekiko 3 konketa eta urtegira begira dagoen balkoi bat.

   Behe solairuan, mugikortasun arazoak dituztenentzat egokitutako bainuontzi bat da, eta dutxa, komun ontzia eta ispiludun konketa bat ditu.

5. GARAJEA
   Garajean berogailuaren galdara eta hartan erretzeko egurra daude. Garbigailua erabil dezakete bezeroek. 

   *Xaboia erabiltzaileek eraman behar dute.

Prezioak

Kontaktua

• Telefonoa: 943 483390 (astelehenetik ostiralera, 09:00etatik 14:00etara).
• Helbide elektronikoa: ingurumena@donostia.eus
• Posta arrunta:
  Artikutzako administratzailea
  DONOSTIAKO UDALA - INGURUMENA
  Mandasko Dukearen pasealekua 66 – Cristina Enea parkea
  20012 DONOSTIA