Esleitzeko prozedura.

Prozedura honetan parte hartuko dute onartutako zerrendetan onartzen diren pertsonek, aurrerago ezartzen den prozeduraren arabera.

1.- Parte hartzeko inskripzioa.

• Baliabide elektronikoak erabiltzearen bidez.aurkezten gure bulegoetan edo Udalinforen bulegoetan
• Aurrez aurre egin dezakezu, aurrez hitzordua eskatuta, Etxegintzaren bulegoetan formalizatuko den online formulario baten bidez, edo aurrez Udalinfoko bulegoetan hitzordua eskatuta.

2.- Behin-behineko zerrendak: (Baremazioa)

Eskaerak aztertzea, barematzea eta onartuen eta baztertuen behin-behineko zerrendak egitea.

• Zerrenden edukia:
  Lortutako puntuazioa
  Esleitutako kupoa
  Baztertzen bada, arrazoia.
• Zerrenden kontsulta:
  - On line, Etxegintzaren webgunean
  - Aurrez aurre, Etxegintzaren bulegoan

3.- Erreklamazioak aurkezteko epea:

• 10 egun baliodun, argitaratzen direnetik aurrera zenbatzen hasita.

4.-Behin betiko zerrendak:

• Erreklamazioak ebaztea eta hautatuen behin betiko zerrendak onestea.
• Zerrenden kontsulta:
  - On line, Etxegintzaren webgunean
  - Aurrez aurre, Etxegintzaren bulegoan

Zerrenden edukia:

• Eskabidea aurkezten duenaren izena eta nortasun agiri nazionala
• Zer kupotarako parte hartzen den.
• Emandako puntuazioa, atal bakoitza bereizita.
• Ordena-zenbakia.

5.-Etxebizitzen esleipena:

Honako hauek egingo dute:

• Aldez aurretik ezarritako ordenari jarraikiz esleituko dira etxebizitzak, honako hauek kontuan hartuta:
• pertsonek eta familia-unitateek zer kupotan parte hartuko duten,
• eta lortutako puntuazio-ordena, eskatzaile bakoitzak aurkeztutako dokumentazioaren arabera eta baremoa aplikatuta.

6.- Hautatutako pertsonei jakinaraztea:

• hautatutako pertsonei pertsonalki jakinaraziko zaie, eta, hala badagokio, nahitaez bete beharreko betekizunei buruzko dokumentazioa edota baremaziorako emandako datuak adieraziko zaien epean aurkezteko eskatuko zaie.

7.- Behin-behineko esleipendunak:

Hautatutako pertsonak behin-behineko esleipendunak izango dira, haien datu pertsonalak eta aurkeztu duten dokumentazioa zuzenak direla eta eskatutako baldintzak betetzen dituztela egiaztatu ondoren.

• betekizunak eta baldintzak betetzen ez dituztela egiaztatzen bada, pertsona edo bizikidetza-unitate horiek plaza huts bat utziko dute, eta itxarote-zerrenden ordenaren arabera beteko da.
• Behin-behineko esleipendunek etxebizitzaren alokairu-kontratua sinatu arte eta, ondoren, errentari-izaera duten bitartean bete beharko dituzte babes publikoko etxebizitzak lortzeko ezarritako legezko baldintzak eta betekizunak, etxebizitza-jabetzen gabeziari dagokionez.

8.- Behin betiko esleipendunak:

Alokairu-kontratua sinatzeko izapidea egin ondoren, behin-behineko esleipendunak behin betikoak izango dira.

• Ildo horretan, bizikidetza-unitateko pertsona guztiek titularkide izan behar dute nahitaez, eta guztiek bete beharko dute errentamendu-kontratua.
• Behin-behineko esleipenduna kontratua sinatzeko egintzan justifikaziorik gabe agertzen ez bada itxarote-zerrendetan dagoen hurrengo pertsonari edo bizikidetza-unitateari aukera emango zaio.

9.-Itxaron-zerrenda:

• Esleipenean ezarritako ordenari jarraituz itxaron zerrendak prestatuko dira.
• Hutsik geratu den kupoaren arabera, esleipendunik gabe geratu diren etxebizitzak beteko dira.
• Itxaron zerrendak Udalaren Interneteko orrian (www.donostia.eus/etxegintza) kontsulta daitezke

10.- Uko egitea:

Etxebizitza bat esleitzeari uko eginez gero, uko egiten zaion egunetik bost urteko epean ezingo da etxebizitza eskuratzeko araubide eta tipologia berari buruzko ondorengo prozeduretan parte hartu.
Salbuespenak:

• bizikidetza-unitateko kide bakoitzeko 15 m2 erabilgarriko ratioa baino azalera erabilgarri txikiagoa duen etxebizitza bat esleitzeari uko egitea.
• bizikidetza amaitzen denean edota banantzea edo dibortzioa gertatzen denean, bikotea osatzen zuten bi pertsonetako batek uko egiteak ez du eragotziko besteak esleipen-prozesuarekin jarraitzeko aukera
• Uko egiteagatik behin-behineko esleipendunik gabe geratu diren etxebizitzak esleitu gabekotzat hartuko dira

11- Baremazioa berritzea:

• Gutxienez urtean behin, esleipendunen zerrenda berritu egingo da bizikidetza-unitateei berriz ere puntuak ematearen bidez. Nolanahi ere, eskuragarri dagoen azken ekitaldiko datu fiskalen kargarekin berrituko da.
• emandako baremazioaren kuantifikazioa alda dezaketen inguruabar pertsonal guztien aldaketa jakinarazi beharko diote etxebizitza-eskatzaile gisa inskribatuta dauden pertsonek Donostiako Etxegintza Enpresa Erakunde Publikoari.