Lankidetza 2014

Oinarri Orokorrak eta Bereziak 2014

• Diru Laguntzen Oinarri Orokorrak eta Lankidetzako Oinarri Bereziak
• Lankidetzako Oinarri Bereziak Portugesez
• Lankidetzako oinarri Bereziak Frantsesez
• Lankidetzako Oinarri Bereziak Ingelesez

Eskaera epea

ESKAERA EPEARI BURUZKO OHARRA 

Urtarrilaren 30ean GAOk akatsekin argitaratu zuen diru laguntza deialdia. Akatsak Lankidetzako eranskinean izan dira. 

Dena den, udal webgunean hasieratik egon den oinarriei buruzko informazioa eta eskaera inprimakiek ez dute akatsik izan.   

Akatsen zuzenketa otsailaren 12an argitaratuko da GAOn,  eta honek eragina izango du prozeduran, eskaerak aurkezteko epea luzatzen delako. 

Hortaz, diru laguntza eskaerak aurkezteko epea martxoaren 12ra artekoa izango da.

Elkarteei Jarduerak jakinaraztea eta akatsak zuzentzea

1992ko azaroaren 26ko 30/1992 Legeak, Herri Administrazioen Araubide Juridiko eta Administrazio Prozedura Erkidearenak, 59.6 b) artikuluan xedatzen duenez, 3. atal honetan aurreikusitako prozedurazko egintzak Udaletxeko Iragarki Taulan (Ijentea kalea) eta, kultur laguntzen kasuan, Donostia Kulturaren Iragarki Taulan (Konstituzio plaza, 1), argitaratzea nahikoa izango da, eta ez dago eskatzaileei banan-banan jakinarazi beharrik.

Eskaerak edo harekin batera aurkeztu beharreko dokumentazioak akatsen bat baldin badu, edo osatu gabe baldin badago, interesatuei hamar laneguneko epea emango zaie, egintza goian aipatutako Iragarki Tauletan argitaratu eta hurrengo egunetik aurrera, akatsak zuzendu edo falta diren dokumentuak aurkezteko. Epea amaitu eta akatsak konpondu ez badituzte, eskaera bertan behera utzi dutela joko da, eta prozedura artxibatu egingo da, 30/1992 Legearen 71. artikuluak adierazitakoarekin bat ebazpena egin ondoren.

• Akatsak zuzendu behar dituzten elkarteen zerrenda. Jakinarazpena Iragarki Taulan 2014-05-05ean argitaratua: Akatsen zuzenketak aurkezteko azken eguna 2014-05-16

Behin-behineko Ebazpena

• Behin-behineko ebazpena Garapenerako Lankidetza programak (helegite epea:uztailaren 30tik abuztuaren 9ra)
• Behin-behineko ebazpena Sentsibilizazio eta Garapenerako hezkuntza programak (helegite epea:uztailaren 30tik abuztuaren 9ra)

Behin Betiko Ebazpena

• Behin betiko erabakia Garapenerako Lankidetza programak(2014-10-31)
• Behin betiko erabakia Sentsibilizazio eta Garapenerako hezkuntza programak(2014-10-31)

Justifikatzeko epeak

Zuriketarako tramite eta inprimakiak Udal Bulego Birtualean

Garapenerako Lankidetza proiektuentzako diru laguntzak

Bitarteko txosten narratibo eta ekonomikoa hasierako ordainketatik gehienez urtebeteren buruan aurkeztu beharko da.

Proiektua amaitu ondoren, azken txosten narratibo eta ekonomikoa hasierako ordainketatik gehienez 24 hilabeteetara aurkeztuko da.

Sentsibilizazio eta Garapenerako Hezkuntza proiektuentzako diru laguntzak

Diru laguntzaren zatikako egiaztatzea, hala behar izanez gero, bitarteko txosten narratibo eta ekonomikoa aurkeztuz egingo da.
Proiektua amaitu ondoren, azken txosten narratibo eta ekonomikoa, proiektua amaitu eta hiru hilabete joan baino lehen aurkeztu beharko dute, beti ere hasierako ordainketatik 12 hilabete baino gehiago pasa gabe.