Adierazpen instituzionala, Emakumearen Nazioarteko Eguna dela eta

Udalak hamar puntu bere gain hartzen ditu

Urtero bezala, martxoaren 8an, emakumeei historikoki usurpatu zaizkien eskubideak lortzeko egindako borroka anitzen esanahia gogora ekarri eta aldarrikatu nahi dugu. Norbanakoen, kolektiboen eta erakundeen arteko elkarlana da, nork bere eragin-eremutik abiatuta, indarrak batuz eta estrategiak partekatuz helburu bera izanik jomuga: emakumeen eta gizonen berdintasuna lortzea. Gaur egun ere, bide luzea dugu egiteko emakumeen eta gizonen arteko berdintasun eraginkorra lortzeko, eta, horregatik, ezinbestekoa da emakumeen eguna aldarrikatzen jarraitzea.

Esparru horretan, Eusko Legebiltzarrean Berdintasunerako 4/2005 Legearen Aldaketa onartzeari balioa eman behar zaio, berdintasunaren alde eta indarkeria matxistaren aurka jauzi kualitatiboa egitea ahalbidetuko duen arau-esparrua eraikitzeko testuinguru egokian sustraituta baitago.

Berdintasunerako legearen aldaketa dator, zeinak berdintasun-politikak indartzea ekarriko duen, eta, beraz, gizarte bidezkoago eta berdinzaleago baterantz aurrera garamatzana.

Ildo beretik, 50 langiletik gorako enpresa guztiek berdintasun-planak nahitaez bete behar dituzte, eta, beraz, produkzio-sistemen eta ugaltze-sistemen arteko loturaren premisatik abiatuta neurriak hartzeko aukera emango duen tresna izan behar du.

Eta gizarte gisa dugun erronka honetan, toki-erakundeok arau-esparru berriak dakarren erronka handiari ahalik eta erantzun onena emateko aukera dugu, betiere herritarrekin eta tokiko elkarte eta mugimendu feministarekin lankidetza estuan.

Pandemiak agerian utzi du feminismoak aspaldi aldarrikatzen zuena: bizitza kaltebera eta mendekoa da, eta horregatik begirada feminista beharrezkoa da erakundeetatik bultzatzen ditugun politika guztietan.

Emakumeek pandemiaren ondorio ekonomikorik txarrenak jasan dituzte: gizonek baino proportzio handiagoan galdu dituzte diru-sarrerak eta enplegua, eta beren gain hartu dute ordaindu gabeko zainketen lan-bolumenaren hazkunde nabarmena; horrek piramide ekonomikoaren alderik baxuenean harrapatuta mantentzen ditu, eta soldata-arrakalaren zuzeneko kausetako bat da.

Toki entitateek berdintasunarekin eta emakumeen aurkako indarkeriarik gabeko gizartea eraikitzearekin duten konpromisoa argia izan da. Aldi berean, beharrezkoa da aurrera egiten jarraitzea, hobetzen jarraitzea eta udalerriei, erronka horiei aurre egiteko tresnak ematea.

Honako hauetan sakondu behar dugu: politika publiko guztietako berdintasunaren zeharkakotasunean; emakumeen ahalduntzean; zaintza-lanak ikusarazi, baloratu eta partekatuko dituen gizarte baten eraikuntzan; gizonak berdintasunean inplikatzean; pobreziaren feminizazioa gutxitzean; emakumeen sexu-askatasunaren alde; eta hezkuntzan, emakumeentzako bizitza askea eraikitzeko balioak aldatzeko tresnarik eraginkorrena den aldetik.

Horregatik, martxoaren 8an, Donostiako Udalak konpromiso hauek hartu ditu:

1. Berdintasunaren arloko politiken eta zerbitzuen diseinuan eta plangintzan aurrera egiteko, dagozkien/on jarraipen- eta ebaluazio-mekanismoak bultzatzeko eta indartzeko, bai eta arauak, jarraibideak eta gidalerroak egiteko ere, lege honetan eta lege hau garatzeko araudian ezarritakoa beren esku-hartze eremuetara zehazteko eta egokitzeko, eta behar diren baliabideak emateko.
2. Berdintasun-politikak garatzeko baliabide ekonomikoak, pertsonalak eta teknikoak indartzea.
3. Berdintasunaren aldeko lanean generoaren eta giza eskubideen ikuspegia indartzea, bai eta Udaleko arloen arteko koordinazioan ere eta administrazioko langileen berdintasunari buruzko barne-prestakuntza bultzatzea, oinarrizko, derrigorrezko eta etengabeko prestakuntza-plana progresiboki planifikatuz.
4. Emakumeen aurkako indarkeria matxista mota guztien biktimei arreta emateko sistema zabaltzea, gure eskumenen esparruan, detekzio goiztiarreko sistemen hobekuntzan aurrera eginez, neurri guztien erdigunean biktimen eskubideak eta haien ahalduntzea kokatuz, eta biktimen erreparazio-eskubidearen aitorpena aintzat hartuz.
5. Kontratu publikoetan gizonen eta emakumeen arteko berdintasun klausula sozialak txertatzen jarraitzea, enpresek lan-arrakalak murrizteko neurriak ezar ditzaten.
6. Zaintzen erronkan inplikatuta dauden gainerako erakundeekin lanean jarraitzea, pertsona guztien beharrei erantzungo dieten politikak ezarriko dituen estrategia bat lantzeko, haren dimentsio guztiak kontuan hartuta. Ildo horretan, udal- eta foru-zaintza taldeak erabiliko dira zaintzen-sistema aztertu eta landuko duten estrategien elkarrizketarako gune gisa, eta haien lanari balioa ematen eta erantzukidetasuna sustatzen jarraituko dute.
7. Ikuspegi intersekzionalaren integrazioan aurrera egitea, emakumeen eta gizonen berdintasunaren arloko esku-hartze publiko osoaren ikuspegi inspiratzaile gisa.
8. Herritarren sentsibilizazioan sakontzea, gizartea kontzientziatzeko eta emakumeak ahalduntzeko kanpaina eta programa instituzionalak daudela bermatuz, bereziki gizonak eta haurrak, eta berdintasunaren aldeko emakumeak, nerabeak eta neskak ahalduntzeko neurriak osotasunean garatzen jarraitzea, mugimendu feministaren parte-hartzea bultzatuz eta haien ekarpenak sartuz.
9. Erakundeen akordioak eta koordinazio-sistemak eta -protokoloak hobetzea eta aldian-aldian eguneratzea.
10. Martxoaren 8a dela-eta Donostian deitutako mobilizazioetan parte hartzeko deia egiten diegu herritarrei.

Erlazionatutako dokumentuak

• ErakundeAdierazpena-DeclaracionInstitucional_8M.pdf