Dantza garaikidea
Dantza garaikidea teknikaren gainetik konposizio-prozesua goratu eta nabarmentzen duen dantza-generoa da, eta mugimenduaren adierazpen egiazkoagoa azpimarratzen duen filosofia du gidari.
Dantza eta mugimendu estilo eta eragin desberdinak biltzen ditu, baita gorputz- eta antzerki-teknikak ere. Haren ikaskuntzak eta praktikak lan teknikoa inprobisazio eta konposizio lanarekin uztartzen ditu.
Dantza garaikidea forma-askatasuna, mugimenduaren adierazpen egiazkoa eta etengabeko bilakaera ditu ezaugarri, gizarte garaikidearen adierazpen-jakinminekin bat eginez.
Norentzat:
- Adin guztientzat: haur, gazte eta helduak; 8 urtetik aurrera.
Janzkera:
- Kamiseta, legginak eta galtzerdiak.
Helburuak:
- Haur, gazte eta helduen garapen fisiko, motor, emozional, sozial eta kognitiboa sendotzen laguntzea.
- Gorputzaz eta bere mugimendu- eta adierazpen-aukerez jabetzea.
- Mugimenduaz eta espazio pertsonalaz, taldekoaz, globalaz eta eszenikoaz kontzientzia hartzea.
- Musikaltasuna, ahalmen sortzailea eta nortasun artistikoa garatzea.