Kontu-hartzailetza eta Kontabilitate Zuzendaritza
Nor gara
Kontu-hartzailetza eta Kontabilitate atalak Udalaren kontabilitatea kudeatzen du, haren jarduera ekonomikoa fiskalizatzen du, urteko kontuak egiten ditu eta finantza-gardentasuna bermatzen du.
Horrez gain, kontrol-organoekin lankidetzan aritzen da, eta kontratuak eta dirulaguntzak kudeatzen laguntzen du.
Zer egiten dugu
- Eskubideak, diru-sarrerak, gastuak eta ordainketak kontabilizatu.
- Udalaren jarduera ekonomiko-finantzarioaren barne-fiskalizazioa (berrikuspena) egin: sarrerak, gastuak, kontratuak, hitzarmenak, dirulaguntzak eta abar.
- Udalaren eta haren mendeko erakundeen aurrekontuaren eta kontu orokorraren urteko likidazioa egin.
- Dokumentazio ekonomiko-finantzarioa prestatu, webgunean argitaratzeko (Udal Behatokia eta Gardentasun Ataria).
- Udalaren, haren mendeko erakundeen eta Gipuzkoako Foru Aldundiari eta Estatuari atxikitako erakundeen ekonomia- eta finantza-informazioa prestatu eta bidali.
- Udal-atalen eta kontu-auzitegien arteko (jarduera ekonomiko-finantzarioa ikuskatzeko kanpo-organoak) bitartekaritza egin.
- Osoko Bilkurako batzorde hauei laguntza teknikoa eman: Kontratazioaren Kontrola eta Jarraipena eta Kontuen Batzorde Berezia.
- Udalaren mendeko erakundeen jarduera ekonomiko-finantzarioa fiskalizatu.
- Batzorde teknikoetan parte hartu (kontratazioan klausula sozialak sartu, dirulaguntzak eraginkortasunez izapidetu, gastu-espedienteak elektronikoki izapidetu eta abar).
Nola gaude antolatuta
Pertsonak, Ekonomia eta Aurrekontu kudeaketa eta Euskarako Ordezkaritza: Kerman Orbegozo Uribe
Zuzendaritza. Gaikuntza nazionaleko funtzionarioa: Lioba Maiza