Kartografia. Donostiako eraikinen egitura

Donostiako udal-mugarteko eraikinen mugaketa geografikoa jasotzen du datu multzo horrek, bai eta haiei lotutako elementu arkitektonikoak ere, hala nola barne-patioak, etxadi-patioak, arkupeak, ataripeak eta lurzoru-mailan irudikatutako pasabideak. Eraikinen egituraren zati dira geruza hauek, eta 1:500 eskalako datu kartografikoen ereduko "Eraikinak" gaia oinarritzat sortzen dira.

2003an hasierako digitalizazioa egin zenetik, Udalak etengabeko eguneratze-sistema du, eta urtean 65 hektarea inguru berrikusten ditu lehengoratze fotogrametrikoko eta topografia klasikoko tekniken bidez.

2006an, 1:500 eskalako CAD kartografian oinarrituta, hiri osoa estaltzen duen geruza poligonal bat sortu zen, poligono bakoitzerako zentroide bat gehituta, espazioaren erabilerari buruzko informazioarekin. Gaikako kartografia hori GIS formatuan dago eskuragarri, eta informazio geografikoko sistemetan ustiatzeko prest dago. Harrezkero, eguneratze guztiak CAD kartografian zein GIS kartografian egiten dira, datuen koherentzia eta zehaztasuna bermatuz.

2010eko uztailean, udal-kartografia ED50 erreferentzia-sistema geodesikotik (European Datum 1950, Espainiako eta Balear Uharteetako kartografia-sistema ofiziala 2008ra arte) ETRS89 sistemara (European Terrestrial Reference System 1989) aldatu zen, eta 2020ko otsailean REDNAP08ra (Zehaztasun Handiko Nibelazioko Espainiako Sarea 2008) egokitu zen.

Datu-multzoak 1/500 kartografiako datuen eredua (cad formatuan) eta GIS kartografiako datuen eredua barnean hartzen ditu.

Erreferentzia-sistema: ETRS89 ZONA 30 EPSG:25830

Datu multzoa GeoDonostia bisorearen bidez ikus daiteke, "LURRALDEA/ Eraikinak/ Eraikin-egitura" geruzan.