Ekaineko Artikutzako bisita gidatuak
Ekainaren 18an, 23an eta 25ean egingo dira
Ekainean hiru bisita gidatu egingo dira Artikutzan:
- Ekainaren 18an, Eskas, Elutsa eta Erroiarri. Txango honetan, historiaurreko aztarnak ikusteaz gain, Elutsako lepoa eta Erroiarriko ur-jauzia bisitatuko ditugu. Zailtasun ertaineko ibilbidea da, 9 km ingurukoa.
- Ekainaren 23an, San Juan gaua izarpean. Txango honen helburua izango da Bianditzeko tontorretik ilunabarra eta izar-mantua ikustea izango da. 6 kilometroko ibilbidea da, baina zati bat gauez egingo denez, norberak bere linterna eraman beharko du.
- Azkenik, ekainaren 25ean, Ugaldeko presa. Donostia urez hornitzen zuen kanalaren gainetik ibiliko gara, eta funtzio horrekin lotutako zenbait instalazio ikusteko aukera izango dugu. Ibilbide laua da, erraz egitekoa.