Donostiako Isuri Gutxiko Eremuaren proiektua
Ekarpenak egiteko epea ireki da
Donostiako Udalak hiri-mugikortasun jasangarriago baterantz aurrera egiten jarraitzeko ekintza-plana diseinatu du, airearen kalitatea hobetzeko, kutsadura akustikoa murrizteko edo segurtasun handiagoa lortzeko, eta, beraz, donostiarren osasuna eta bizi-kalitatea hobetzeko.
Horretarako, Isuri Gutxiko Eremua eta 2024-2029 Mugikortasun Planari buruzko bi proiektu diseinatu dira. Proiektu horiek Gobernu Batzordeak onartu ditu hasiera batean 2023ko abenduaren 26an, eta, horren ondoren, zabalkunde publikorako, eztabaidarako eta herritarren, erakundeen eta herritarren elkarteen eta alderdi politikoen ekarpenetarako fase bat ireki da.
Helburua da ekarpen berriak jaso eta 2024ko lehen seihilekoan behin betiko onartuta egotea. Mugikortasun Planaz eta Isuri Gutxiko Eremuaren proiektuez gain, Isuri Gutxiko Eremuaren Ordenantza izapidetuko da datorren urtean. Hiru dokumentuak onartu ondoren, ofizialki inplementatuko da Isuri Gutxiko Eremua. Horri jarraikiz, mugatutako eremura sartzeko murrizketak ezarriko dira, isuri kutsatzaileak murrizte aldera.