KIUB: Kontsulta eta erreklamazioak Kontsumitzailea Informatzeko Udal Bulegoan

Herritarrek kontsumoaren arloan egindako kontsulta eta erreklamazioei erantzutea da Donostiako Udaleko Kontsumitzailearen Informaziorako Bulegoaren (KIUB) helburua.

Kontsultak
Kontsulta batzuk unean bertan erantzuten dira, telefonoz edo bulegoan bertan, aurrez aurre. Beste batzuek denbora gehiago behar dute, beharrezkoa baita dokumentazioa aztertzea.
Horrez gain, telematikoki ere egin daitezke, Herritarren Postontziaren bidez.

Erreklamazioak
Erreklamazioa egiteko, aldez aurretik hitzordua eskatzea nahitaezkoa da (943 48 34 10 ), horrela, bulegoan arreta era konfidentzialean emango dizute.

Azken kontsumitzaileak edo erabiltzaileak, irabazi asmorik gabeko kolektiboak (elkarteak...).
Kontsumitzailetzat jotzen da ondasun edo produktu bat erabiltzeko asmoarekin erosten duen oro, eta erabiltzailetzat, zerbitzu bat kontratatzen duen oro (izan ura, gasa, telefonoa, etab.).

Urte osoa

• Identifikazio dokumentua: NAN / AIZ

Erreklamazio orria

• Erreklamazioa justifikatzen duten dokumentu guztiak (erosketa tiketak, fakturak, kontratuak, publizitate liburuxkak, etab.).

Eranskinen gehienezko tamaina: 10 Mb

Doakoa

• Estimatutako epea: Hilabete bat
• Epe legala: 3 hilabete
• Isiltasun zentzua: Aurkakoa

Kontsultak:
Zuzenean erantzuten zaie aurrez hitzordua eskatu beharrik gabe egiteko moduko kontsultei, telefonoz edo aurrez aurre egindakoei. Une berean ebazten dira, konplexutasun handikoak ez badira –halakoetan, idatziz jasotzen dira, behar bezala kontsultatu ondoren ebazteko–.

Erreklamazioak:

1. Aurrez hitzordua eskatzea.
2. Eskabidea eta dokumentazioa erregistratzea.
3. Bitartekaritza lana hastea. KIUBek erreklamazioaren berri emango dio alderdi erreklamatuari eta horrek 15 eguneko epea izango du erantzuteko ea onartzen dituen erreklamaziogilearen asmoak.
4. Bitartekaritza lana gauzatzea. Kontsumo gatazka konpontzera bideratutako pausoak.
5. Bitartekaritza amaitzea eta erreklamazioa artxibatzea. Akordiorik lortu ez bada, erreklamaziogileari zer eskubide dituen eta ordenamendu juridikoan bere burua defendatzeko zer mekanismo dituen jakinaraziko zaio, eta espedientea artxibatuko da. Era berean, auzia artxibatuko da bi aldeak ados jarri badira edo erreklamaziogileak atzera egiten badu.

Departamentua: Ingurumenako Zuzendaritza

• 1/2007 Legegintzako Errege Dekretua, Kontsumitzaile Eta Erabiltzaileen Defentsarako Lege Orokorraren Testu Bategina Onesten Duena
• 142/2014 Dekretua, Uztailaren 1Ekoa, Kontsumoko Erreklamazio-Orriei Eta Kontsumitzaileen Eta Erabiltzaileen Kexa, Erreklamazio Eta Salaketei Erantzuteko Prozedurari Buruzkoa
• 3/2014 Legea, Martxoaren 27Koa, Kontsumitzaileen Eta Erabiltzaileen Defentsarako Lege Orokorraren Eta Beste Lege Osagarri Batzuen Testu Bategina Aldatzen Duena, Azaroaren 16Ko 1/2007 Legegintzako Errege Dekretuak Onartua
• Azaroaren 24Ko 29/1994 Legea, Hiri-Errentamenduena
• 1457/1986 Errege Dekretua, Urtarrilaren 10Ekoa, Automobilak Eta Haien Ekipoak Eta Osagaiak Konpontzeko Tailerretako Industria-Jarduera Eta Zerbitzuak Arautzen Dituena
• 58/1988 Errege Dekretua, Urtarrilaren 29Koa, Etxean Erabiltzeko Aparatuak Konpontzeko Zerbitzuari Dagokionez, Kontsumitzaileen Eskubideak Babesteari Buruzkoa
• 2/2016 Legea, Apirilaren 7Koa, Euskadiko Toki Erakundeei Buruzkoa
• 39/2015 Legea, Urriaren 1Ekoa, Administrazio Publikoen Administrazio Prozedura Erkidearena (Testu Finkatua Eta Ondorengo Aldaketak)
• 4/2023 Legea, Apirilaren 27Koa, Kontsumitzaile Eta Erabiltzaileen Estatutuarena

Kontsumoari buruzko araudi zehatza hemen

Zer zerbitzu ematen ditu KIUBek?

• Kexen eta erreklamazioen azterketa eta izapidetzea.
• Aldeen arteko bitartekaritza, kontsumo arloko gatazkak konpontzeko.
• Kontsultei erantzun pertsonalizatua ematea, izan idatziz, telefono bidez edo zuzenean bulegoan aurkeztutakoak. Kontsulta asko unean bertan argitu daitezke, baina, zenbaitetan, erantzuna atzeratu egingo da dokumentazioa aztertu beharra dela eta.
• Beste zerbitzu batzuk: kontsumo produktuei eta zerbitzuei buruzko dibulgazio liburuxkak editatzea, informazio kanpainak, ikastetxeei zuzendutako jarduerak eta material hezigarria egitea, lege eta prestakuntza artxibategia, Kontsumoko Arbitraje Batzordeari laguntzea eta kontsumitzaileen elkarteekin elkarlanean aritzea.

Zer zerbitzu EZ ditu ematen KIUBek?

• Jabekideen erkidegoetan bizikidetzatik sortutako auziei lotutakoak.
• Alokatutako etxebizitzen etxegabetzeen gainekoak.
• Produktu edo enpresa jakinei buruzko informazioa.
• Kalte galeren ordain eskaerak.
• Lan arloko, arlo penaleko eta arlo zibileko auziei lotutakoak, ez eta elkargodun lanbideei lotutakoak ere.

Zer eskubide ditut kontsumitzaile naizen partetik?

• Osasuna, bizi kalitatea, segurtasuna eta ingurugiroa egokiro babestuak izateko eskubidea.
• Interes legitimoak, izan ekonomikoak edo sozialak, babestuak izateko eskubidea.
• Informazioa, hezkuntza eta prestakuntza jasotzeko eskubidea.
• Ordezkaritzarako, kontsultarako eta partaidetzarako eskubidea.
• Babes juridikoa izateko eskubidea.

Datuen babesa