Alokabide programaren abantailak honako hauek dira:
Erakundeak programaren barruan maizterrari eskaintzen dizkion zerbitzu guztiak doakoak dira.
Programaren etxebizitza-eskatzaileen erregistroan erregistratuta, eskura dauden etxebizitzen artean maizterraren ezaugarri- eta prezio-premietara egokitzen dena bilatzeaz arduratzen da Erakundea. Horretarako, dagokion bisita egingo da hautatu den etxebizitzara, Erakundeko teknikariekin batera.
Programan dauden etxebizitzetarako ezartzen den errenta merkatukoa baino merkeagoa da.
Etxebizitza hautatu ondoren, alokairu-kontratua sinatzeko beharrezko dokumentazio guztia jabearekin kudeatuko du Erakundeak.
Erakundeak ordaintzen duen etxebizitzaren arrisku anitzeko asegurua eskaintzen da, etxebizitzarengatiko kostua 50.000 €-koa eta bertan sartutako ondasunengatikoa 10.000 €-koa izanik.
Legeak ezartzen dituen eskakizun guztiak biltzen dituen errentamendu-kontratua aurkezten die sinatzaileei.
Kontratua gure bulegoetan sinatuko da, alderdiei horri buruzko informazio guztia eskainiz eta sor daitezkeen zalantzak argituz.
Maizterrak Erakundearen zuzeneko laguntza izango du.
Erakundeak Legearen arabera bidezko diren errenta-igoeren berri emango du.
Kontratuak irauten duen bitartean eta lehen instantzian, Erakundea arduratuko da kexak eta erreklamazioak izapidetzeaz, jabearekin sor daitezkeen arazoak edo gatazkak saihestuz, eta alderdien arteko desadostasunak konpontzen ahaleginduz, bitartekari gisa jardunez.